如果，連你自己都未知你既規格或者決定點樣去做既話，老老實實，我又真係唔知可以點樣幫到你，就算我係你口中所謂既「專業」（實情我唔係！）．
又如果，你話數據愈多愈好，咁我都同意既，不過你始終要明白，數據愈多通常同時間及成本係有相關關係既，起碼，人工成本，燈油火臘都唔少得啦．況且，你所提出既「畢直」，如果照做，可能敝公司只可以滿足到你十分之一既願望，而餘下既十分之九，相信就只有落空．
另外，如果連你自己都唔知道要花幾耐時間，先可以得到一組數據既話，我可以好大胆咁講，其實，你都未試過呢個方法．要不然，當我問你其實十組數據夠唔夠時，你又可以同我講，其實呢個項目好簡單，可以好快做完，唔會花多好多時間．更唔明白點解個費用有如此分別．
通常，聽到係老銷叫個客，用十倍價錢買同一件產品．而後話付出多咗既部份，走咗去brand identity 同與眾不同既values.
而你就喺我面前示範咗，點樣付出一件產品既價錢，叫供應商俾十件產品你．
而且，我留意到你好相信自己既說話．我又發覺，可能你係一位好勁既老銷．
不如咁啦，我今日放工前掉低鎖匙俾你，而且一亳子都唔收，好等你星期六日上黎敝公司，任砌任做餘下既十分之九．
咁，你會唔會同意呢？