2010年給自己的一個字

舊年肥龍喺呢度留咗一個「成」字俾自己，提醒自己喺2008年時做咗唔少決定，到2009年時一件一件咁去完成、去成全、去成為．

結果雖然唔可以做到十全十美，而且更有一兩項甚至未能完成，但大致已經可以做到八至九成，總算完成一個多變、忙碌又充實既牛年．

走過一大步之後，係時候保守、穩定既時候，應該踏實求穩，發揮先前爭取及建立既基礎．當然，性格使然，始終心思思留意眼前腦裡唔同既機會及事物，只好懷著開放既態度，作出嘗試並接受過程及結果，或者從中可以發現更多更大．

年將會發生既，將會係未來兩或三年間既一小步．究竟可以走到幾遠，自己都唔知道，不過相信只有放開腳努力去走出第一步，其他先有機會陸續有來．之前聽過一句說話，非常認同，就係「世上沒有無謂或多餘的努力」．或者，呢個說話會令今年自己做任何事更堅強．

所以今年為自己給一個字：「放」．