31.12.08

新曆新年

話說某年有條茂利好傻好天真咁以為新曆新年就係農曆新年.

以為早早上床,第二朝起身就會有利是收.(仲諗埋之後買咩添~)

到咗除夕晚上,一切如常,百思不解咁思考點解仲未有團年飯食既?

又,好似一直都唔覺阿媽買年花,添新衣,佈置家居擺設呢?

點解阿媽過咗十二點冇去還神既?

年宵市場呢??

結果...嘩~#!@$(嗱,唔準笑呀!)

**********

祝大家新年快樂,身體健康!

27.12.08

轉貼:最寂寞的一公里(盧峯)

長跑從來是個寂寞的活動。除了那些非洲、日本來的精英跑手外,其他跑手基本上只是自己跟自己比賽,沒有甚麼競爭的味道,只有一個人不斷在跑,只有一個人跟溜走的分秒比賽,看看自己比上次比賽快一點還是慢一點。

只是,跑的時候還不是最寂寞的時候,因為總會有少數幾個其他跑手在附近,有的準備「過你頭」,有的則會逐漸被你拋離。換句話說,你總是在人群中,你總會感到是跟他一起完成某個旅程。

真正的寂寞從跑到終點開始。到終點後,你過去一段時間的訓練告一段落,你完成了賽事,達到了目標,暫時再沒有新的目標。剩下的是一個人蹣跚的從終點走回儲存行李的地方,領回行李,換過乾爽清潔的衣服,再一個人坐車回家。

前幾個月在挪威參加日不落馬拉松時這份孤獨感不算強烈,也許是因為整個旅程都是一個人,也許是因為從終點走幾步就回到酒店,來不及傷春悲秋一番。

上星期日在西貢參加十五公里挑戰賽後那份一個人在途上的感覺卻特別強。從終點走回擺放行李的地方足足有 一公里遠。陪我走這一公里的只有一支蒸溜水。其他大部份參加者要不是三三兩兩一起走,就是有家人、朋友在終點迎接他們,為他們拍照,為他們送上風衣,為他們送上熱飲,然後再陪他們走這一公里路,聽聽他們談跑步途中的高低起伏,聽聽他們說那一段路最難啃,那一段路最舒服。

獨個兒走這一公里路時,也有想跟誰說說話:「投訴」那段八百米的長命斜如何攞命,如何令我舉步維艱;分享一下跑過水壩時看到的群山倒影如何明淨亮麗;講一講新置的28號跑鞋如何令自己打破個人最佳成績 … … 。

可惜,那一刻身邊只有Watsons,就像電影《Cast Away》(劫後重生)的湯漢斯只有Wilson作伴一樣。雖然有點寂寞,總不能像湯漢斯那樣對水樽說「Watsons,你知唔知我跑得快過四年前呀 !」吧 。

下次長跑也許不該再扮lone wolf,該找個人來為自己打打氣,免我真的要跟「屈臣氏」說話!


*********

肥龍讀後感:我習慣同「寶礦力」傾偈,然後換好衫上車囉~ :(

25.12.08

同場加映:交叉扑後感

今年既交叉扑已經係第二年參與.多謝鐵鎚既構思及一眾博客既參與,方可以成事.至目前為止,其他博客既交叉扑,肥龍只係睇咗一部份,仍需努力先可以睇哂所有50位既傑作.

嗯...唔知有冇其他博客好似肥龍咁,今年既交叉扑,其實係去年既延續.


不過如果依照咁既進度(一年一篇)的話,要講到真正埋牙,斷估可能要再寫多幾年,先可能有機會有啲野睇......哈哈!

情況就如【足球小將】一樣.如果係70代既朋友,應該有睇過呢套卡通.
呢套卡通及其系列,除咗因為以足球為題材又描寫一眾角色成長及特色既必殺技射門而大受歡迎外,經典既記憶仲有似跑極都唔見對面龍門、面積彷如地球般闊大既球場.
好多時,一個由後場既進攻,莫講話最後射門,閒閒地隨時運球成個禮拜都仲未過半場,並間仲有可能sidetrack到冇雷公咁遠...總之一切有姿勢冇實際.
咁「有姿勢冇實際」呢句,套番落肥龍所寫既交叉扑故事內,可能係一個幾恰巧既形容.
不過...who cares?
祝各大駕光臨又睇到呢度既諸君 Merry X'mas & Happy New Year!

聖誕交叉Blog 2008 - audi計數佬祝大家聖誕快樂

今個聖誕,你心裡果句又會係咩呢?

不如就等audi計數佬講你聽部份人既心聲啦.


**********


今日是聖誕節,audi計數佬先祝大家聖誕快樂。

「計數佬你地d做高級管數人既就更係開心啦,大家都係金融專業人仕者,我地d在金融投資大行做就慘啦,毫無人情咁炒左我地,冇左份工聖誕都唔敢出街買野。」一位已被某外資投行炒左既專業人仕話。


「抵x你死啦,鬼叫你之前叫我入貨,又話個市跌左咁多要入多d貨博反彈,又話﹝聖誕鐘、買匯豐﹞一定冇錯,你睇?你地班大行又吹魔咒啦,都唔知隻匯豐仲要跌幾多。」某位散戶投資者投訴話。


「你都叫慘?我仲慘x過你啦,我副老本全數買左雷曼呀陰公,現在都唔知攞唔攞得番全數本金,聖誕節我一d都唔開心。」一位剛退休既人仕話。


「阿生,你仲有你家人,你老婆在你身邊支持你啦,我老婆今個聖誕唔理金融海嘯、日元升值,係都要報團去日本旅行shopping,今次我慘啦。」某已婚男仕無奈地說。



「你最終都肯去都好啦,係一個好老公,我剛剛發現我老公同x震一樣咁衰咁x賤格,岩岩發現佢個facebook有好多索女friends,現在又借口話聖誕要OT上大陸做事,你話我點算好啦。」



「唉,我個女性朋友仲慘啦,明知佢男友係花心蘿蔔,但佢仍要學﹝玉女﹞咁在聖誕要嫁個賤人,佢仲慘啦。」某中女話。



「鬼咩,你女性朋友都係中女啦,中女仲點搵到老公啦,似樣d既,有d錢既,正常d既,都已經結晒婚,我地d中年女人冇乜市場架啦。」另一中女話。



「中女有咩唔好呀,只要唔係﹝港女﹞就得啦,我女友呀,佢係正pk港女黎架,平時飲貴食貴我比錢唔在講啦,聖誕節仲要我買個幾皮野既chanel袋俾佢做聖誕禮物,我搵得o個萬五,點買者,佢都痴x線架。」某後生仔話。



「你地d男人咪仲衰,聖誕節就成機約人去宿營,白痴都知你想點啦,而且最衰既係又唔肯用﹝袋﹞」某後生女話。



「有得同男友去溫馨有咩唔好者,我聖誕唔單止要一個人,仲要在大陸OT做audit趕埋數,真係死得。」某女會計師說。



「都好過我啦,OT都有錢袋,下個月公司要迫我地放無薪假,話就話無薪假,peak season點做得晒d野架,咪一樣要返公司做野,work without pay actually, holy shit。」在某Big4做事既auditor話。



「在big4做都好過在某d上市公司跟d無能既老闆做事啦,盤數又亂,又冇完善既電腦系統做好盤數,唉…」一個在某上市公司做高級管數人既audi計數佬話。



再次祝大家聖誕快樂!

22.12.08

Hong Kong 15km Challenge 2008

消耗體力的上落斜


由於今次屬首次參加此比賽關係,賽前對路段認識實在有限.只知道起點與毅行者起點一樣,然後一直跑近兩公里既斜路,不過原來只係整個耐力及鬥志挑戰既開始.


意想不到既係全程十五公里中,除咗水壩一段外,平路有限之餘,卻需要應付蠻多且長(有部份接近一公里)既上落斜,只可以話係又越過高山又越過谷.跑到最後一公里時,雙腿勉強保持一貫均速,一心只想盡快完成,不過到衝終點時經已散哂又吃力.

最後以目標下限時間一小時廿六分鐘左右(非官方)完成賽事.


雖然完成時間只係一般及只達到下限,又只保持上次汀九段十五公里既紀錄,不過當比較兩段路起伏程度及上落斜出現密度時,喺今次跑出呢個成績,其實已經覺得幾滿意及有所收獲咯.而特別過程中既上斜經驗,相信將會對往後渣打半馬拉松準備有好大幫助.又或者咁講,到渣打半馬拉松後半段(十六公里後)時,應該更有把握及信心去應付.


至於左足踝既情況,經過比賽前五天既休息後,得到初步復原.而到今次比賽時及完成後狀況基本上冇咩問題.只不過可能由於要應付蠻多既上落斜關係,雙腿跑完後感到部份肌肉非常酸痛(相信跟練習不足及肌肉強度未夠有關)...不過經過按摩後情況已經有所鬆弛及再休息.

不過喺呢度再次多謝各位既慰問.肥龍一定會小心身體狀況,唔會操之過急,令自己受傷及影響其後既比賽及練習.

18.12.08

感謝妳

左踝



打泰拳乎?!

唔係啦...終於都發生啦...最近發現練習後左踝隱隱作痛,一看之下,原來左踝腫咗一片.

照睇應該係喺對上兩次練習(特別落斜路時)無意中扭傷咗.

情況尚算輕微(尋晚都仲有練跑兼跑得唔錯添),穿上護踁只不過係買個保險兼防止進一步受傷.

不過都係小心啲好.星期日(十二月二十一日)及一月四日仲有比賽,呢幾日都係爭取時間休息及捽多幾次葯酒先~

14.12.08

我的練習記錄 (21 of 24)

再進一步

上次講到經過一段時間練習後,喺其中一段練習路線上,終於突破四十四分鐘既樽頸時間,並以四十三分鐘正完成.今個星期三,呢個完成時間,再推前至四十一分鐘.

短短兩個星期內,完成時間有如此幅度既提升,實在高興.不過老套啲咁講,始終練習還練習,希望往後比賽時可以重複表現出來啦.



半馬拉松研討會

尋日下晝參加咗由李嘉綸先生主講既半馬拉松研討會,當中就比賽前熱身,平日體能訓練,調整動作,飲食各方面提供咗好多實用既介紹及指導,獲益不少.另外從中亦認識到唔少跑馬拉松既正確知識,對往後了解平日練習情況甚至如何提升速度都好有幫助.

後來李嘉綸先生更提議有興趣既跑友,可以於十二月廿五日下晝到跑馬地馬場黎一課約兩個半小時既練習.到時更會安排資深教練分組指導及分析跑友跑姿,從而令跑友有更有效及正確既跑姿.

唔駛講,肥龍當然報咗名啦~


今個星期成績

去片!

交差點

飯局中,朋友道來最近公司安排一則.

俾你會點揀?

(一)十個員工,輪流去放一個月無薪假期.

(二)十個員工中,下個月起會揀選一個被栽.

12.12.08

100 days...



上星期六啱啱辦好機票及酒店既安排.

話咁快,原來過咗倒數既100天.

明年3月22日,將會為自己首個馬拉松.

好緊張,又興奮!

9.12.08

Strategic competitiveness

對於已經數度易手既亞視最近又換管理層既新聞,除咗對兩位新管理者履歷略有所聞而又對其遠景有所憧憬外,最吸引肥龍注意既一環,不局限在節目方針及目標觀眾方面,反而更希望因為亞視本身曝光率及對外披露消息既情況下,可以更透明及直接去睇到兩位新管理者既管理手法、過程及成效.

盡信書不如無書.經常講到書本知識固然重要,不過實質經驗更為決定性.兩位充滿經驗既管理者,去到一個未曾涉足及營運既行業,喺既有企業文化存在既情況下,如何就整體管理、人事、產品(電視節目及內容)、創新、供應商管理、競爭對手威脅(各類媒體)、吸引甚至擴展目標觀眾層等各環節上,制定唔同策略及方針,然後從營運中表達出來,將會係肥龍留意及學習既重點.

另外對(曾經)作為管理銷售團隊及修讀管理既肥龍黎講,呢個情況,到底以前所學習既管理理論、策略及要點,喺今次呢個情況究竟有冇用呢?又如果有的話,又可以如何發揮出黎呢?而以兩位既經驗、視野及洞察力,特別喺大機構及企業文化下,如何洞悉亞視現有需要改善地方後,制定策略及方針,迎接挑戰及改革.一連串問題都充滿期待.不過無論結果係點,肯定既係,今次將會係一個活生生既case study.

拭目以待.



15.12.2008 後記 - 王維基辭任亞視行政總裁 -12月15日 星期一 16:32

辭任唔意外,不過上工咗第十二日就辭任就十級意外!
可惜...呢個課題冇法延續落去.

7.12.08

我的練習記錄 (20 of 24)

天才白痴線

天才白痴線?其實係講緊跑步時既「最高均速」.

摘自宇宙長跑會網頁

不少參賽者在開賽時見人一窩蜂地衝衝衝,於是也跟衝;有人則選擇留前鬥後,在尾段才狂發力逢人過人,但「添哥」認為兩者皆不對﹕「除了一些高手,跑手其實不是跟人鬥,絕大多數是跑時間,若能跑到2小時30(分鐘)都發達啦。時間擺在這裏,如何跑到,就要看能否跑到最高均速。基比沙拉斯上個月破世界紀錄時(2小時3分59秒),後半程只快前半程11秒,他這樣的高手也是跑均速;不跑均速,莫非你是高高手?」他補充,平時練習時要找到自己的最高均速,然後比賽就用那速度跑﹕「我叫那條線做『天才白癡線』,一過了就變成白癡,但若控制得住,便可以跑到最好的成績,很科學。」

一直以來,不斷練習,增加練習距離,除咗希望時間上提升,另外最重要既就係摸索到自己「最高均速」.

有數據既好處係,可以為既練習做分析及搵出整個過程既趨勢,然後喺往後既練習時特別注意.

按照目前既數據及進度,除咗首一至兩公里身體需要一啲時間適應及調校步伐外,之後均速提升至五分鐘或五分鐘十秒左右(平路計算)應該唔係問題.

目前肥龍既情況係,一面摸索「最高均速」既同時,一面提升現有既「最高均速」.



四場比賽

由舊年開始,因為目標想喺兩小時內完成渣打半馬,所以喺渣打半馬之前既幾個月,除咗平時既練習,額外都會儘量參加一啲比賽作為備賽之用(約一個月一個比賽),做到以戰養戰之效.

但可能舊年練習量唔足夠兼所參加既比賽大都以十公里或以下為主,與半馬距離上有幾明顯既差別,結果到正式半馬跑到最後三公里時,竟然出現腳軟情況.最後雖然可以完成,不過兩小時內完成既目標就落空.

賽後檢討得出既結論係:練習量唔足夠,腳部肌肉耐力唔足夠.

今年對症下藥,加上報咗名跑東京馬拉松(個人首個馬拉松),所以一直認真加把勁去練習,為個人最佳時間努力.

而經過一段時間既練習及比賽,未來幾個月,終於到咗四場重點既比賽.

21.12.2008 香港15公里挑戰賽 2008
04.01.2009 美津濃香港半馬拉松錦標賽
08.02.2009 渣打馬拉松(半馬拉松)
22.03.2009 東京馬拉松


6.12.08

唔熟就帶返學睇啦

有朝,返學前,有個爸爸同仔仔溫習黙書.

爸爸一字一字咁讀,仔仔一字一字咁黙.

雖然從仔仔動作中,爸爸察覺仔仔只係普通熟練,不過過程尚且順利.

黙書完畢,仔仔收拾文具書簿,準備上學.

臨行前,爸爸跟仔仔補充咗一句.

「唔熟就帶返學睇啦.」

仔仔點頭表示明白.

**********

中午時份,爸爸收到學校來電.

老師跟爸爸描述仔仔喺學校黙書時如何拿著黙書內容抄寫既情況.

老師又透露仔仔對呢個情形/做法既解釋.

「爸爸話唔熟就帶返學睇,咁黙到個『郊』字時我覺得唔係好熟所以咪攞出黎睇囉~」

3.12.08

我的練習記錄 (19 of 24)

練習的回報

上次提及到既「四十四分鐘的樽頸」,經過星期一既練習及嘗試,到今晚(同一路段第六次練習)終於得到突破.

由第三公里開始,步幅及身體各部份都似反映出今晚應該可以比平常練習再快跑一啲.而喺最關鍵係第五至六公里上斜一段竟然都可以五分鐘內完成(4:57)(平常需要約五分半鐘左右),效果最明顯.至於其他時間,大部份都可以用四分半鐘跑完一公里,狀態似乎唔錯.

最後約九公里既路段,以四十三分鐘正完成.感覺良好,實在要好好記住今晚練習既感覺,到往後比賽時希望可以重複表現出來.


而同一路段,計劃再練習至十次左右,再留意均速情況.到均速可以保持後,下一步就係再將練習距離增加至十二公里,再重複練習.

仲有就係要保持體重(雖然之後有annual dinner,x'mas party,農曆新年等節日,好難忍囉!),注意休息,咁練下練下,好快就會係二月八日啦.

30.11.08

Watchmen

繼【300】(2006)後,Zack Snyder 又一改編漫畫既視覺電影.

充滿期待!(聽講仲有IMAX版本添...)

29.11.08

我的練習記錄 (18 of 24)

後補紀錄

之前因為電話email server有問題,之前練習既紀錄export唔到出黎.不過已經解決,一次過登哂最近幾次既練習記錄.

喺唔同既練習路段,每公里平均時間差不多.而平坦路段希望可以做到持續五分鐘內完成一公里.



藍天無雲

呢兩日天氣的確唔錯.雖然氣溫轉冷,不過真係天朗氣清,藍天無雲,正!



咁既環境下,即使只係一路傾住偈放鬆咁去跑,時間都算唔錯喎.



四十四分鐘的樽頸

由十一月起,除咗練習由兩天增加至三天,練習距離同時亦由五公里增加至約九公里.不過喺其中一條練習路線中,經過四次練習過後,發現無論係刻意或隨意去跑,完成時間不約而同都喺四十四分鐘左右.

就算有一次,喺後段刻意提速,始終都係唔可以喺四十四分鐘內完成.

至於肥龍為何如此著緊呢個時間,就係因為呢個成績將會決定究竟可唔可以喺五十分鐘內完成十公里.

又其實,以肥龍既體形年紀及現有訓練量,可以喺五十分鐘附近時間完成十公里,其實已經覺得唔錯架啦.只不過既然練習咗一段時間,如果有機會,當然希望可以再跑快一啲,時間再做好一啲,發揮一下自己既潛能.

而今日練習與P 提及呢個情況,講到除咗速度之外,要突破呢個樽頸,下一樣可能就係要留意及改善現有既步幅.儘管最後可能只可以提升一分鐘.

咁距離半馬仲有兩個月時間,喺往後既練習中,再努力一啲睇下點啦.



28.11.08

馬拉松分段時間

上官方網頁,發現有特別為賽程而設既分段時間,並可以推算全程完成時間.

咁依照現時既練習進度及訓練量,半馬大概需要兩小時完成,所以就應設定喺五小時內完成全馬.不過...無論完成時間如何,都係次要,畢竟今次係肥龍首個馬拉松,都係先以攞經驗及了解自己能力為主,所以如果可以順利完成全程,就已經係好好兼心滿意足呀.

十一月份的八個小目標 - 月尾回顧

月初時希望自己可以集中啲去應付既八個小目標,走到今日,都係時候做個月尾回顧.

工作方面,雖然最後兩星期嘗試力追九月份所失既銷售差額,不過始終時間所限,只能追回原先差額既一半.不過季度目標尚可達標,袋袋平安.

另外,跑步方面,勢估唔到,喺Nike 10km 比賽前出現問題,最後冇參賽.算係一個意外.

十二月又係另一個新開始.

27.11.08

雜談兩則

創造職位

金融海嘨湧至,政府一路話要創造一萬個職位,又話加快審批政府工程時間,好等失業建造業工人增加就業機會等.

又忽然聯想到當年沙士後一窩蜂咁喺各區籌建藝墟/大笪地一樣,雖然本質上唔同(沙士後講如何令本地經濟復甦,今次講如何應付及減輕金融海嘨所帶來既衝擊),唔知點講,總覺得都係花招.

難聽啲講,最後只可能喺失業率上有所幫助.

至於基建帶動就業,就業帶來經濟,可能如意算盤打唔響.

當然做總好過唔做,始終就業民生從來都係社會大課題.


愛心粥暫停營業

睇完報紙報導,覺得好無奈兼唔知講咩好.

莫非出錢出力最終都係孤獨及勢孤力弱?

想到送魚與教人釣魚既故事.不過同時又想到無論送魚與教人釣魚,其實有多少願意付出時間金錢及行動去幫助有需要既人.

無論如何,李先生既心意及付出,實在值得尊敬.希望李先生休息過後可以再重拾幹勁.

15.11.08

開心大發現

防盜眼變身平價魚眼鏡頭?

有得諗喎~

我的練習記錄 (17 of 24)

當每次練習/比賽感到困難時,腦海總會諗起同一段想法,鼓勵自己繼續堅持一直跑落去.

「對所有跑手而言,比賽路線都係公平及相同既.就算係頂級跑手或者只係業餘者,路上既每一米,都一樣用雙腳一步一步咁跑出來.而自己感到困難既地方,其他跑手情況可能亦係一樣,一樣需要克服.要應付眼前既困難,除咗靠平日鍛練既成績外,再需要既,就係心理上對自己既信心及堅持.」

13.11.08

我的練習記錄 (16 of 24)

今次除咗補回星期二少跑咗既2km之外,亦想留意一下跑9km既全程及分段時間.

下一場就係11月23日既Nike 10km,初步目標係50分鐘左右完成.


11.11.08

深山太保

今日同同事食晏時講起“想當年”卡通片,講到呢套,真係超正兼爆笑.

當年無記安排星期日早上九點半播放,不過唔知點解及咩原因,播到一半左右,就冇哂下文而完結,非常失落.

老實講,呢套內容,以卡通片黎講,內容都好大胆及粗鄙.

後來就算用盡方法及各種途徑,希望可以搵返套再重溫.可惜到最後都係搵唔到.

而上youtube就只有幾段,就算睇完都真係止唔到咳兼吊癮.

同事就叫肥龍抄好個日文全名【燃える!お兄さん】,或者試下幫手搵搵~

以下一幕,又係當中深刻既爆笑場面.



同場加映當年其中一集(粵語)

Part I


Part II

我的練習記錄 (15 of 24)

休息咗兩日,又再回復練習.心理上覺得作個輕鬆練習,唯有喺黎緊既星期四晚練習時加長距離(6.7km -> 8.7km),等雙腿再適應正增加中既運動量.

又,經過平日練習及兩個比賽後,平均/完成時間正逐步提升.

希望之後耐力及平均時間可以再進一步,全力應付最後既馬拉松~

9.11.08

New Balance Gold Coast 15km Race 2008

全程15km,完成時間約為1小時26分鐘. 作為馬拉松既準備,符合初步預期及達成平均時間約5.5分鐘/每公里既期望.

只係整理咗比賽時間及資料,仲需要多少少休息,遲啲再寫一有關比賽過程.





8.11.08

中咗籤呀!


睇完個報名情況,得知結果嗰一刻,真係驚喜兼興奮!
實在期待呀!  機會就在眼前,跟住就要靠自己及加緊練習啦!

***************

Dear Mr. FAT DRAGON,

Congratulations! You have been selected to run the Tokyo Marathon 2009.
To secure your place, simply access the URL below to arrange payment
of the entry fee no later than 28 November 2008.(Japan time)
Payment confirmation will be sent in December.
Note that places can only be allotted after we are in receipt
of the relevant fee.

https://act.jtbgmt.com/gmt/ssl/Mcard09.asp

Note:
1) Please refer to your ID number mentioned above which you need
to input when you send the method of payment.
2) This line is valid only once.

1.As already mentioned in the guidelines for applicants,
the following details cannot be changed once registered:
NAME,
DATE OF BIRTH,
GENDER and EVENT.

2.Participants should check in at the reception desk at Tokyo Big Sight
on 19-21 March 2009.
(not available on the day of the race) in person and with passports
or other suitable ID.
Each entry qualification for the Tokyo marathon is strictly personal,
and non transferable. In the event that a runner's identity cannot be
established satisfactorily, the entry qualification will be voided.
Note: entry fees are non refundable.

3.The site is updated regularly so keep checking back for the most up
to date news:
http://www.tokyo42195.org/2009/index_en.html

If you have any questions, please contact us by e-mail.

Tokyo Marathon Registration Desk
c/o- JTB Global Marketing & Travel

6.11.08

我的練習記錄 (14 of 24)

放工練習跟晨早練習的分別

放工練習既難處主要係經過一日既工作後,身心難免處於帶倦狀態.而有時更因公事要務,喺練習過程中腦袋未能夠集中.結果亦因為此種種情況,令完成既時間並唔穩定.

另外,就算食飽飯休息一個鐘先跑,感覺同晨早練習時空肚既情況唔一樣.(或者遲啲考慮下跑完先食晚飯!)

又,只不過因為練習既路段都係比較熟悉(路面情況及分段時間)關係,喺適當既地方做些少微調,完成時間先未至大為走樣.

**********

因為星期日有比賽,今次主要係放鬆咁去跑,保持步速及距離,盡量避免肌肉拉傷.




如果可以的話...

希望可以再加三場...然後,就到2月8日渣打半馬!

至於澳門半馬,由於交通及其他安排關係,決定都係留番下次先參加啦.

4.11.08

我的練習記錄 (13 of 24)

由今個星期起,練習由一星期兩課加為一星期三課.

而每週練習總距離就由18km增加至26km.(星期二、四各7km,星期六為12km).

希望身體氣力及雙腿可以慢慢適應增加中既運動量,可以喺50分鐘左右完成首10km.

3.11.08

十一月份的八個小目標

今個月,係關鍵及忙碌既一個月.

寫低佢,令自己可以集中啲去應付.

工作

1. 十一月既銷售目標可以順利完成;
2. 而之前落後既銷售差額,可以悉數追回;
3. 季度目標,全部達標;
4. 其中一個經已接洽既項目,客戶會決定使用.

跑步

1. 11月9日既New Balance Gold Coast 15km 比賽;
2. 11月23日既Nike 10km 比賽;
3. 一星期最少練習三次,唔少於共25km .

希望

1. 可以成功參加2009年東京馬拉松 (11月中會有抽籤結果).

1.11.08

我的練習記錄 (12 of 24)

愈來愈慢的五公里

其實,由黃竹坑運動場至南灣一程,時間又再快咗一分鐘.

上次記錄五公里中每公里時間.今次就嘗試記錄回程時最後五公里既有關時間.

一啲都唔意外,可能前段谷得太盡,回程隨體力下降,就算只係大部份平坦路段,最後五公里分段時間卻愈來愈慢.

而且唔知點解,身體傳來既感覺,今日好熱.





下一站:New Balance Gold Coast 15km 2008

Nov 9, 2008. 第一次跑15km比賽.




給愛麗斯

與跑步無關.聽歌~

30.10.08

完成時間推算

先前講到當知道一公里完成時間後,跟住就係著手練習一公里時間,五公里時間,十公里時間,如此類推,一級一級咁上.

咁唔同既完成時間,會對其後既十公里、廿公里既時間有咩影響呢?喺書中就有以下既表作為參考.



當然呢個完成時間推算係建基於全程可以用均速去完成.但現實中如肥龍呢類業餘跑手,路程中有上斜落斜,加上比賽當日狀態,時間難免會時快時慢.

若以兩個小時完成半馬為目標,相反所推算既完成時間,就有一定指標作用.畢竟,喺長跑比賽中喺後段出現突然加速既機會接近唔可能.

29.10.08

我的練習記錄 (11 of 24)

一公里的時間

睇咗好友K君借來,由黃瑞明先生著既【香港馬拉松手冊】.其中講到跑馬拉松/半馬拉松要有好成績,跑手就要識得掌握自己既步伐,及保持所跑既步調、跑速,更唔受周遭環境所影響.

睇完,立即問自己,已經練咗一段日子,咁其實自己既一公里時間,係幾多呢?

於是,今次練習起就新增一個量度數據. 初步睇,平路約要4分40秒左右,同之前估計,唔算相差太遠呀.

然後就係一公里時間,五公里時間,十公里時間咁去練.


Muscle is difficult to build, but easy to loose.

唉,真係難攪,真係要慢慢練先得囉...(努力中)

26.10.08

仗義

睇完有關李松興先生既報導,好感動.

感動唔單止係李先生身體力行,用真金白銀及行動去幫助有需要既人.

「來者不拒」- 更感動係見到人與人之間既「信任」.

喺肥龍自幼長大既環境裡,與親人鄰里同學朋友間,從來都係「信任」.因為信任,你幫我我幫你係好平常.

記起龍媽既教誨: 「有能力既時候, 就要幫助其他有需要既人」.

此話一直銘記在心.

人生總有高低潮,有困難,可能因為唔同原因,難於啟齒.若此刻得到其他人無私既支援,相信亦會感受到,一碗粥再唔係一碗粥.

有能力者,就用能力及行動支持.又記起on dog兄那一篇:勿以善小而不為

留意身邊人與事,睇下可以做咩啦!

我的練習記錄 (10 of 24)

保持運動量及距離

經過上星期既比賽,耐力及狀態獲進一步提升.喺無刻意增加運動量及距離下,今次重點係希望先將上一次比賽既感覺保持.

另外,只係喺折返點既休息時間縮減至一分鐘左右,就立刻再提腿起步回程.

初步感覺唔錯,完成時間亦有所提升.而雙腿喺到終點後感覺唔算特別疲倦.

以10km距離計算,情況應該可以再跑快一點.相比舊年或之前比賽,亦有信心完成時間可以有所提升(2007年Nike 10km完成時間為58分鐘左右及2007年UNICEF 10km完成時間為54分鐘左右).

不過當諗到若希望喺時間上再要有明顯提升或跑超過10km既比賽時,要增強雙腿強度就係目前唯一既正道.

要再努力!





新跑鞋

經過上一次水塘比賽後,再檢查已經著咗近十個月既跑鞋時,發現原來喺鞋底部份(特別近鞋根位置),似乎經過一段時間既使用,已經損耗咗唔少.而鞋膠既彈性,亦覺得比最初時有明顯既分別.

本著【不如用咗佢好過啦!】既想法下,尋日就付諸實行,添置另一對既跑鞋(因為有會員折扣,都係HK$500左右),作往後練習及準備明年渣打半馬時使用.

今朝練習時試跑,新鞋初步感覺幾好.鞋身輕及透氣唔錯.而鞋根位置既GEL亦有唔錯既彈性.另由於肥龍腳板比較闊,並非所有品牌及型號既跑鞋都合適,不過新跑鞋既前部份設計及柔軟既質料,令舒適度及保護性間得到平衡.

而舊有既一對,依然會喺半馬前既比賽中,繼續穿著.待完全適應新跑鞋時,舊有既先再作為後備用途.

24.10.08

不如用咗佢好過啦!

之前有位梁君講過,賺既錢唔係你既,用既錢先係你既.

*************

呢幾日,市場既氣氛令平靜既辦公室,聲音此起彼落.

忽然諗起另一句.

賺既錢唔係你既,蝕咗既錢更加再唔屬於你.

奉勸欲撈底者,欲執平貨者,喺臨落盤之前,未知(估計/潛在)風險,如其捱價止蝕,又唔係咁等錢駛,不如...呢刻諗下點樣洗咗佢好過啦!

不如,約阿爸阿媽出街食餐飯;

不如,一家大細去玩;

不如,買件禮物俾自己鍾意及關心既人;

不如,捐錢俾有需要既團體;

不如,買件玩具俾自己;

不如,同同事/朋友去唱K/BBQ/ gathering;

不如,留個錢傍身;

不如....

起碼,洗咗食咗捐咗買咗x咗佢,除咗即時滿足,仲可以留番個回憶,仲實際吖.

22.10.08

我的練習記錄 (9 of 24)

果真level-up

寓賽於操果然有效!其實自從星期日比賽過後,體能尚在回復中.不過始終希望可以保持狀態及習慣,今晚就打算作簡單練習,順道放鬆一下雙腿既肌肉.

結果喺冇刻意留意時間下,除咗早段因為攰既關係跑得比較慢之外,跑至十分鐘過後,反而愈跑愈有.而本來感覺疲勞既雙腿亦慢慢適應下來,最後更可以試一段小衝刺.實在意外!


跑鞋

已穿著比賽及練習咗十個多月既跑鞋,最近發現鞋形及近腳根有些少變形跡象,而且彈性亦感覺比之前差咗.

粗略計算,腳下既一對,大概比賽加練習既距離應已超過咗300km.嗯...或者都係時候留意定新一對啦,除咗要時間適應,亦免得到真正比賽時試新鞋既風險.

19.10.08

AVOHK - Aberdeen Reservoir Race 2008


又越過高山又越過谷

除咗喺起步前一刻灑過一陣微雨,整個過程大致天公造美,而且溫度適中,非常適合跑步.

路程全長約13km(GPS量度距離為14KM).

完成時間(非官方)為1小時16分鐘. 均速為11.2km/h. 好友既完成時間為1小時29分鐘.


資料盡失

P.S. 可能跑得太過激烈,衣衫盡濕. 返到屋企發現隨身電話內記憶咭出現問題,暫時未能讀取有關路程及時間記錄.除咗今次比賽資料,而其他一直記錄既資料亦可能盡失...

電子野,high-tech "揩"野,信唔過.再檢查後之前所有資料報銷.唯好彩格式化後,記憶咭尚可使用.不過今次比賽資料及過去一直儲存既練習資料,就唔可以再翻查咯.

嗯,好在都仲有呢度既記錄呀.

18.10.08

我的練習記錄 (8 of 24)

心思思

既然聽日有比賽,今日都無謂太過操勞.但心思思又想郁下,就縮短距離,放輕腳步.主要都係鬆下筋,保持住個跑步節奏.


打氣歌

最近,耳筒經常播放住呢個旋律.

16.10.08

點解要練跑

講真,如果唔駛練都可以兩個鐘內完成半馬,我諗我應該唔會好似依家咁用心練習.

因為星期日有比賽,尋晚晚飯後休息之後,就到附近海傍練習.開始前腦海不斷掙扎,不如返屋企休息下仲好啦.

最近,從呢度知道有呢本書.書只係睇到三分一左右.不過讀到描寫跑步心態時,愈睇愈會心微笑,又非常有同感.

又有bloggers話肥龍有恆心去練習.其實,相比好多好多跑者,肥龍目前所付出既,只不過九牛一毛啫.肥龍認識一位年過五十既的士司機,每日落更後就由大埔至沙田練跑,風雨不改.而其全馬時間為四個鐘頭內(勁!).

不過真實既係,肥龍好鍾意跑步時既感覺,及感受完成一刻既虛脫.

另就如書中所寫,跑步係一種好個人運動,業餘跑手如肥龍,從來唔存在競爭及輸贏,鬥既往往係自己,及如何達成或超越自己所定既目標.但係,又唔需要太認真既,時間慢咗咯,下次再黎過囉.

始終相信,只要肯練習,目標不會遠,終有一日可以成功.

另外,喺書入面,睇到呢一句:

At least he never walked

簡單不過既一句話,或者除咗時間之外,就係一直練跑堅持想達到既一個重要目標.

2009年既半馬,已經係第四次參加.頭兩次(2005年及2006年)因為練習及準備不足,除咗完成時間差之外,途中亦因為水泡及氣力問題,行完咗一段又一段.雖然最後好歹都叫做完成,但係實情如何,自然心裡有數.

往後既一年決定加緊練習.結果,今年2008年既半馬,終於可以由頭跑到落尾,冇行過一步下,完成21公里.咁又可以阿Q啲咁講:

Finally, in my 3rd SC half marathon, I never walked.

而往後既每一項比賽,希望不論時間,都可以由頭跑到落尾,完成過終點.

11.10.08

我的練習記錄 (7 of 24)

腳重重、攰lai lai

可能尋晚晚飯時飲咗啤酒,今朝起床後右邊膝蓋竟然有啲痛.好彩熱身過後,情況有少少好轉.

再加埋夜瞓,難怪今日跑得好吃力.要完成慣常路程都要咬實牙根,更就發揮唔到應有水平及節奏.



AVOHK - Aberdeen Reservoir Race

下個星期日,就要參加AVOHK 10km賽(香港仔水塘).

A scenic course around Aberdeen Upper Reservoir using service road, catchwater and trail. Approximately 12.5 -13km long. One water stop where course crosses Aberdeen Reservoir Road. Route description all distances approximate.


Start finish at barrier on Aberdeen Reservoir Road lower end. Run approx 1km to Aberdeen Upper Reservoir Dam , cross dam -then short steep up hill and then follow path approx 600 metres to left turn "Lady Clementis Ride" this section is now Hong Kong trail reverse direction. Gradual up hill until left hand turn after aprox 2.5km . Pass HK trail marker number 38, 400 metres after turn cross Aberdeen Reservoir Road where there will be a water stop. Head up steps (approx 35) onto trail and continue for about 5km to Peel Rise.(HK trail markers 37 - 28) Left turn and run down hill on Peel Rise approx 800 metres. turn left at the bottom of Peel Rise onto catchwater. 1.4km on catchwater then sharp right turn , run down to finish area.

7.10.08

我的練習記錄 (6 of 24)

始終氣溫對運動量有著明顯既關連,今朝天氣明顯轉涼兼天陰,及已經係同一路段第三次練習,結果一下子跑出幾唔錯既時間(約38分鐘)及均速(10.2km/h).

身體感覺上可以再跑快一啲. 回程時刻意加快步伐跑餘下既5公里(記錄為10.7km/h),到終點時真有少少虛脫既感覺,相信正接近目前最快既均速,如果需要保持或提升,相信要再花一啲功夫及磨練.



**************

Running tips from DUMMIES

Rev up your stride rate

For beginning runners, increasing stride frequency is easier to achieve than increasing stride length. Some of the increased stride rate will just come naturally as you get in shape, but you can make major gains by performing high-quality workouts, including even modest speed sessions on the track. Some specific drills, incorporated into your warm-up several times a week, can lay a foundation for an increase in your stride rate.

Some coaches refer to stride frequency or stride rate as leg turnover. The average recreational runner takes about 80 to 85 strides per minute, but most Olympic-class runners can crank out a stride rate of over 180 strides a minute.

An easy drill to add to your running program is "striders" of about 100 yards in length — the length of your basic football field. You should run these briskly, with smooth running form, but not "all out." (For example, if it takes you 15 seconds to run the length of a football field as fast as you can, then run your strider drill closer to 20 seconds per 100 yards.) Try the strider drill two or three times a week, either before or after your easy distance run.

Practice proper mechanics for both your upper and lower body, and include form drills as part of your warm-up. Knowing that your arm action can dictate your stride length and influence stride rate, you should try to keep focused on your arms in particular.

Another good drill to improve stride frequency is called hot coals. Envision that you are running on a bed of hot coals and you want to "quick step" your way over them. Practice this routine for about 50 yards (perhaps 10 seconds in duration for each hot coal rep) — just long enough so that your feet don't get burned. As with striders, this drill can be part of your warm-up or cool-down.

Running up short flights of stairs, landing on each step, is another drill that can boost your stride frequency. Hit every step as quickly as you can and then walk down for rest. (Try this in small doses — no more than once or twice a week, perhaps for as little as 5 minutes' worth to start — and try alternative workouts, such as hill running, if you experience knee pain.)

If you run five or six days per week, consider taking one day as a "form day." The session shouldn't be a killer in a physical sense, but it can be a day to tune into proper running form and try some running drills.

6.10.08

我的跑步隨身物

今日同老細講起跑步,老細問起跑步時會帶咩喺身.

肥龍就答:八達通、身分證及電話.

八達通 - 以防途中「打柴」(放棄)冇錢坐車返屋企.而且唔駛袋住零錢跑到「瑯瑯下」...

身分證 - 咁應該要帶喺身既...

電話 - GPS 功能,及有需要時作求救用.另方便同行(不過唔同位置時)有個照應.

特登唔帶飲品,除咗因為重,仲有就係要習慣到比賽時,要相隔三至五公里先有水站既情況.

會唔會聽歌?練習時唔會,到比賽時就會呀.半馬比賽通常要成兩個鐘,有啲音樂聽住就會冇咁悶.而且比賽途中若遇上上斜路段時,有音樂墊底,咁就可以分散注意力及得到精神支持(就如打氣歌功能),加強「熱血」,咁...好快就可以捱得過去架啦!

4.10.08

防範

最近既金融海嘯及毒奶事件,發展到今日,除留意有關既跟進及善後工作外,間中都會聽到有關如果預防及防範既討論上.

不過如果細心去諗,關於防範,特別係加強監管一類,究竟係咪一個適當及有效既方法呢?或只係治標不治本既對策呢?

2002年時既Sarbanes Oxley為一例子.事實上,有幾多企業因為執行此條例而真正達致有效公司治理(corporate governance),一直抱有懷疑.

又另外近一兩年,歐美國家不斷質疑國內生產產品既質量及使用物質,然後進行入口加強監管及產品回收.而事實上,究竟多少產品有問題,除非進行全檢,否則冇一個保障.

所舉既例子,當然唔係反對監管及對監管既重要性質疑.

所關心既,就係從工作性質上既認知,知道喺冇水晶球既情況下,好多時所講既防範,奈何魔高一丈,往往只可以停留喺已發生既情況及細節上進行.而對監管機構而言,當然因為同類事件出現,令其重要性似突然一刻間變得大咗.不過做到既所謂監管,只可能做到監察層面上. 而監管機構及其專業人員,喺缺乏前瞻性及持續既研究下,同時又要兼顧市場及客戶壓力,最後好多時好多事,只有事後孔明或似外行人管內行人,所知有限.又或者,只可以做到「知道一樣就做一樣」.最後,信心盡失,換來三輸之局(企業,監管機構及客戶).

可能喺呢件事上想法比較負面. 能夠利用best practice 去教育及說服客戶執行某類監管既,已屬幸運既一群. 現實中,又有幾多企業主動進行內部監管或會把內部要求設於標準之上,或者監管機構主動要求客戶進行額外監管,真係唔常見.

忽然又諗起,喺全球化下,企業毛利不斷下降或追求營利時,加上產品週期縮短,各樣成本趨升,兼為滿足監管既產生而增加成本下,反而更覺令呢類情況繼續發生.就如今晚睇【新聞透視】所講,內地奶販正因為掌握監管標準下,利用個別做法,可以瞞天過海,從中獲利.只不過今次係三聚氰胺,下次又可能係另一種物質.

講返最有效既方法,當然係對企業人員及從業員既(商業)道德方面上著手,只不過問題係談何容易.

3.10.08

半馬!半馬!



哦,時間過得真快,又到報名既時候~

諗都唔駛諗,立即報名參加半馬拉松.

再睇番舊文,原來自2006年起,寫落唔少有關比賽及練習既記錄.依家再睇,感覺似係那麼近!又見由第一年只參加渣打半馬,到由舊年開始甚至參加其他比賽作準備,及後來完成時間逐步提升,實在係一段難得既過程及經驗.

除咗平日一同練習既好友,希望到時可以同其他bloggers如on dog,Bacakara,三點,音語及samsara同場參與啦!

Go!Go!Go!

1.10.08

我的練習記錄 (5 of 24)

維持之前既均速,不過喺冇休息補給下跑來回(約11.5公里),係一個唔錯既耐力練習.

而天氣已滿秋意,微風與散滿落葉既路,跑時感到非常寫意及享受.

29.9.08

租漫畫書

其實都唔算係咩新事物大發現,只不過自中學時代之後,最近又再次投入呢種消費模式.

由於家中空間實在有限兼珍貴(寸金尺土嘛~),而有時又聽友人傳來謂邊套邊套漫畫好鬼好睇,又呢樣果樣,搞到自己又心思思想攞/買本黎睇.咁喺未知好唔好睇之前,又唔想一套咁買,結果就決定往附近既租漫畫書鋪去租漫畫書,經濟又實際.

漫畫一本借一日,二本借二日,三本借三日,然後再多都只係借三日.

又租漫畫五蚊一本,同時借五本第六本免費.

以此推斷,一套約四十集既漫畫,租金平均一百八十蚊左右.換轉買全新漫畫,一百八十蚊大概只可以買六本左右.

呢個模式,既可以睇多啲唔同類型既漫畫,又可以慳返家中擺放漫畫既空間,實在唔錯.

睇完可能立即會有人話,其實上網都有得睇啦,而且仲要係免費添,連租書錢都慳番.呢層我知吖,不過講起都係鍾意有書上手一頁一頁揭既感覺(雖然其實都對N手書有些少保留,不過又唔係睇好耐,算啦~),而且坐車時睇冇咁悶囉.

咁其實最近睇緊邊套漫畫?就係呢本囉...

28.9.08

做得不夠...

做得不夠...

因為轉工關係,從新工作中發現唔少由舊工作帶來既壞習慣.

講為壞習慣,或者字眼上比較嚴重.問題反而覺得每件事做得不夠完整或盡心盡力既原因,不外乎自己將情況睇得太簡單或太輕,及對自己應付唔同情況及應變能力既高估.

講真,呢個感覺,及感受到呢個感覺既感覺,心中絕對難受,又確實令自己一時間迷失.

當見到其他人比自己表現好及準備充足時,就算不問最後結果,再回望自己所作所準備,相形見拙.

要知道,就算係一個再簡單既動作及問題,要表現出熟練及一致,背後可能係日積月累既成果.呢個道理,自己當然知道,反問既係點解今日自己竟會睇輕如此既一件事.

以前常提基本功既重要,今日明白到對基本功既重視,如出一轍.

珍惜每次表現既機會,讓自己盡心令對方留下深刻印象,達成目標,就係今時今刻既首要任務.

又,再諗起呢一幕.Wish me good luck!

27.9.08

我的練習記錄 (4 of 24)

新路線

由於起步點推遠至黃竹坑運動場,若要保持差不多既練習距離,今朝折返點改為南灣.

而且淺水灣至南灣段除咗沿途景色優美兼冇咩車外,後段既上落斜為唔錯既耐力練習.

距離第一場比賽仲有4個星期.

49.5km/h?

圖中所表示既最高速度,應該係GPS既接收或干擾之誤,試問又點可能跑出49.5km/h既速度呢?

20.9.08

回郵信封


依照上述說明,如果根據a)親身交表格回專門店,是否需要付上「回郵信封」呢?

*****************

呢段【報名辦法】,睇完好似冇咩特別,講咗又好似冇講,各位參加者自當要心領神會.

*****************

事緣上星期五放工後,因為喺銅鑼灣附近,於是就帶到報名表格到專門店交表啦.

到達專門店,向店員表示想交表格報名後,店員既第一個反應竟然係如下.

店員:「先生,你有帶兩個回郵信封嗎?」

肥龍:「下?....(手指表格)呢度唔係咁寫固喎...」

店員:「唔係呀,要回郵信封架.不過親身交表可以慳番寄表格既郵費啫...」

肥龍:「(再手指表格)唔係喎,呢度真係唔係咁寫架喎~呢度寫郵遞表格先要付上兩個回郵信封呀.咁我依家係親身遞交表格喎...」

店員:「玩開都知架啦~」

肥龍:「玩開都知?咁呢份表格係咪只俾玩開既人睇既呢?」

*****************

有一刻真係想過唔報名就算.

不過奈何自己想參加,最後肥龍決定放下自我,離開專門店,走到商場其他店舖買郵票及信封,填上回郵地址.

再到專門店遞交表格.

*****************

再到專門店時,先前交談既店員已經唔見人.可能怕肥龍返轉頭老笠佢都唔定...

*****************

事實上,整件事,肥龍只係想講,份表格寫得唔清唔楚又或者真係自己理解能力有問題都唔緊要,最重要係當有問題想向店員反映情況時,希望店員可以耐心聽及解釋一下個情況啫.

況且肥龍又冇話唔肯/唔會交回郵信封.

*****************

另外,on-dog兄所講既,又好有道理喎!

“如已自動銷毀, 仲要個回封, 寄D咩呢? 係咪有回封就寄啦, 冇就"燒"啦?”

好玄...