創造職位
金融海嘨湧至，政府一路話要創造一萬個職位，又話加快審批政府工程時間，好等失業建造業工人增加就業機會等．
又忽然聯想到當年沙士後一窩蜂咁喺各區籌建藝墟／大笪地一樣，雖然本質上唔同（沙士後講如何令本地經濟復甦，今次講如何應付及減輕金融海嘨所帶來既衝擊），唔知點講，總覺得都係花招．
難聽啲講，最後只可能喺失業率上有所幫助．
至於基建帶動就業，就業帶來經濟，可能如意算盤打唔響．
當然做總好過唔做，始終就業民生從來都係社會大課題．
愛心粥暫停營業
睇完報紙報導，覺得好無奈兼唔知講咩好．
莫非出錢出力最終都係孤獨及勢孤力弱？
想到送魚與教人釣魚既故事．不過同時又想到無論送魚與教人釣魚，其實有多少願意付出時間金錢及行動去幫助有需要既人．
無論如何，李先生既心意及付出，實在值得尊敬．希望李先生休息過後可以再重拾幹勁．
6 則留言:
為善者難, 莫非真箇為惡者易?
喂喂! 大佬!
唔講跑步既?
真係好可惜。
愛心粥關門單野，又令我諗起「醜陋的中國人」的書，可能又係中國人的本性，想出太多陰謀了。
講唔講Nike 10km 單野先？
On dog,
我相信未到咁悲觀既（起碼就我自己而言）．．．
不過感覺上覺得有時原來有心有力去做一件事時（呢件係其中一個現實例子），可能會係一件好孤獨既事．而講到暫停營業既決定，可能又係現實中既現實，兩個人（李先生及李太太）始終都係得兩雙手，年紀又有番咁上下．壓力體力消耗有幾大，可以想像．
當然有人可以話李先生其實可以以捐款或其他方式去表達關懷．不過相信李先生本著本行做飲食，不如直接幫助有需要幫助既人．
總之知道報導後，覺得好可惜及無奈呀．
＊＊＊＊＊＊
跑步當然寫，不過之前因為電話email server有問題，之前練習既紀錄export唔到出黎．不過已經解決，好快寫返．
而且，我呢度似乎最後變成我既跑步紀錄blog. 哈哈～
Samsara,
可惜x10,000. 不過真希望希望李先生休息過後可以再重拾幹勁．
Aldous,
我反而覺得既然第一個已經行咗出黎，總希望有第二、第三或更多可以和應就好啦．相反，如果其他人只係口裡欣賞及支持，但就只係旁觀，就唔可以做到更大既效果．
＊＊＊＊＊＊
另外，Nike 10km 單野．．．唔寫啦．不過其實有方法可以處理得好啲．
愛心粥果單，感慨之餘，仲覺得人言可畏。
有報導話，老闆受到唔少閑言閒語話佢借此發財，我真係想頂果班友。。。
唉
發佈留言