我的練習記錄 (18 of 24)

後補紀錄

之前因為電話email server有問題，之前練習既紀錄export唔到出黎．不過已經解決，一次過登哂最近幾次既練習記錄.

喺唔同既練習路段，每公里平均時間差不多．而平坦路段希望可以做到持續五分鐘內完成一公里．



藍天無雲

呢兩日天氣的確唔錯．雖然氣溫轉冷，不過真係天朗氣清，藍天無雲，正！



咁既環境下，即使只係一路傾住偈放鬆咁去跑，時間都算唔錯喎．



四十四分鐘的樽頸

由十一月起，除咗練習由兩天增加至三天，練習距離同時亦由五公里增加至約九公里．不過喺其中一條練習路線中，經過四次練習過後，發現無論係刻意或隨意去跑，完成時間不約而同都喺四十四分鐘左右．

就算有一次，喺後段刻意提速，始終都係唔可以喺四十四分鐘內完成．

至於肥龍為何如此著緊呢個時間，就係因為呢個成績將會決定究竟可唔可以喺五十分鐘內完成十公里．

又其實，以肥龍既體形年紀及現有訓練量，可以喺五十分鐘附近時間完成十公里，其實已經覺得唔錯架啦．只不過既然練習咗一段時間，如果有機會，當然希望可以再跑快一啲，時間再做好一啲，發揮一下自己既潛能．

而今日練習與P 提及呢個情況，講到除咗速度之外，要突破呢個樽頸，下一樣可能就係要留意及改善現有既步幅．儘管最後可能只可以提升一分鐘．

咁距離半馬仲有兩個月時間，喺往後既練習中，再努力一啲睇下點啦．