31.1.16

Rookie

記得最初寫這個blog時,在下正是跑步的門外漢,只是因為想減肥所以開始做運動。結果多年後完成了十七個馬拉松,參加多次三鐵比賽及游了多次open water游泳比賽,可以說把好多當時包括自己都不相信的事情丶現實都顛覆了!

去年年尾說過2016年希望添加多一些興趣,這個或許就是其中一項...


27.1.16

投資筆記001-16 (26 Jan 2016)

Bookmark 一下


六十年一遇的冷鋒正離我們遠去,環球資本市場的冷鋒,卻正越演越烈。上周本欄預期中的反彈,力度遠低於預期。根據傳統投機智慧,大市應彈不彈,或反映市場上沽家去意已決,明知蝕章仍然越沽越低。即使大市看似便宜,現在亦肯定不是沽貨的最佳時機,但在形勢比人強之下,投資者最好還是暫時保留實力,將餘下的資金留待更佳時機才入市。

對於年初至今環球金融市場跌市的導火線,投資者至今仍然未有共識。按索羅斯的說法,今次跌市,主導因素是中國經濟硬着陸。對於中國經濟的問題,相信大部份投資者早有共識,市場惟一欠缺共識的,是中國的經濟問題,相信已於中資股份的價格中反映了。

假如今次環球市場的調整,單單是中國的經濟結構調整的結果,照道理應該很難會連累到環球經濟火車頭的美國市場,問題看來不止是中國經濟結構調整那麼簡單。

環球不同金融市場之間的關係錯綜複雜。中國近年對環球商品原料的需求持續放緩,或已產生一連串的負面連鎖反應。過去10年,即使在巨額貿易盈餘之下,包括沙地、巴西及俄羅斯在內的多個天然資源出品大國的國家財政依然長期緊絀。一旦環球商品價格暴挫,這批極度依賴天然資源出口的國家,必須變賣更多的天然資源以支付原有的財政支出。

這批洗腳唔抹腳的商品出口國,大幅扭曲了「供求定律」──價格急挫不單未能阻止源源不絕的供應,反而成為供應進一步上升的推動力。從目前的形勢看,環球商品市場勢必出現一次行業的重大整合,而相關行業大規模倒閉、裁員及債務重組潮,相信已經迫在眉睫。有評論甚至將今次石油及天然氣服務行業的債務危機與2008年的次按危機相提並論。

當年美國的次按涉及大量衍生工具操作,相對而言今次油服行業的債務結構相對簡單得多,將兩次的債務危機相提並論也未必太過恰當。不過,石油天然氣為全球經濟其中一個養活最多從業員的行業,強如美國經濟,亦難言在今次能源市場熊市中獨善其身。

理論上,中國作為其中一個最大的石油進口國家,油價急挫對中國在國際貿易市場非常有利。明顯地,中國有自身的經濟結構問題有待解決,上述有利條件被原來的利淡因素所抵銷。

現在看來,無論是商品市場,還是環球證券市場,投資者正在期待最後清倉大減價(clearance sale)的出現。以一個標準大型跌市大約歷時一年計,由於去年指數高位在4月底出現,今次調整恐怕最快要到今年第二季前後,才有望出現一個這一輪的終極低點。在此之前,投資者最佳的策略,恐怕是不做不錯。

24.11.11

2011 的 7件事 - 進度及結果

潛水咗好一段日子,浮一浮上水面。好快又一年,望一望今年初既目標,不如寫一寫進度及結果。

1. 每日睇信報  - OK la....


2. 一年讀十二本書(一個月一本) - OK la....(已經超過十二本了)

3. 繼續用跑馬拉松籌募  - Keep going!

4. 可以一次過游750米 - 游咗三個Ocean Water Swims,最長一個2400米(吐露港渡海泳)

5. 參加一次兩鐵challenge組別  - 參加咗兩個兩鐵比賽,一個三鐵比賽。

6. 跑三個全馬,PB到3:45  - 只完成咗兩個:(1) 渣打馬拉松及(2) 首爾馬拉松。日本長野馬拉松因為三月日本東北大地震取消。最新時間:3:18 (首爾馬拉松)

7. 投資優於大市 - Ok la.. 錄得正回報(唔講幾多啦)。
 
Races in 2011
 
1. Jan 1 元旦冬泳 (600m)
2. Jan 12 Mizuno Half Marathon (21km)
3. Feb 5 Fat Choy Run (7km)
4. Feb 20 Standard Chartered Hong Kong Marathon (42.195km)
5. Apr 11 Tribal Enduro Aquathon Race 1
6. May 17 Tribal Enduro aquathon Race 2
7. Jun 22 Age Group Sprint Challenge (Relay) (5km)
8. Jul 6 Summer Ocean Swim (2km)
9. Jul 8 Nike Lunar Run (5km)
10. Aug 16 Summer Ocean Swim (1.4km)
11. Aug 28 2xTRI Triathlon
12. Sept 19 Coca Cola 10k Run (10km)
13. Oct 30 Tolo Harbour Ocean Water Challenge (2.4km)
14. Nov 6 JoongAng Seoul Marathon (42.195km)
15. Nov 13 Asics 10k Race (10km)
16. Nov 27 UNICEF Charity Run (21km) (Coming)
17. Dec 18 Gamma 30km Race (30km) (Coming)

7.1.11

2011 的 7件事

  1. 每日睇信報
  2. 一年讀十二本書(一個月一本)
  3. 繼續用跑馬拉松籌募
  4. 可以一次過游750米
  5. 參加一次兩鐵challenge組別
  6. 跑三個全馬,PB到3:45
  7. 投資優於大市


 

3.1.11

2011年給自己的一個字

實事求事,或者就是今年既大目標。

不過,可以實在地展示實力,一級一級地提升,一步一步步向目標,感覺既充實又滿足。

10.11.10

Tribute to Haile Gebrselassie



上一篇講起小芳比賽時既情況令站喺旁邊打氣既肥龍有所啟發.又其實喺比賽場上,其他既故事亦存在著不少,而有另外一位好耐之前都寫過,就係至目前為止,男子馬拉松世界紀錄保持者Haile Gebrselassie.

想知道一些有關Haile既故事,可以留意一下肥龍呢篇舊文.今次再寫Haile,可惜唔係寫佢再次把自己做出既世界紀錄時間再推前一步,相反係從報導知道Haile喺剛過去週日既New York City marathon 比賽途中因傷退出,並且喺賽後宣佈退休

"I have never thought about retiring before but now I am. I am not going to run anymore."

******************************

Haile, you are a real hero and inspirational person! All the best~

******************************

Update on 17 Nov 2010: 真係估唔到世事可以變化得咁快,啱啱寫完退休,八日後Haile已經決定復出。都好呀,肥龍好期待Haile可以SUB2完成全馬既一日!


27.10.10

支持者與參加者


啱啱過去既週末,正正係三項鐵人比賽中一年一度盛事:香港ITU三項鐵人亞洲盃.比賽水平如何高,肥龍唔打算喺度描述.今次自己並冇報名參加任何比賽,不過因為有朋友分別報咗名玩隊伍接力及個人三鐵賽事,而自己又一直想拍攝一啲運動比賽相片,所以星期六一早就乘坐朋友安排既車跟大隊到迪士尼樂園去.

話說好耐前寫過,喺跑東京跑馬拉松時自己深深被由兩旁(素不相識)既支持者所發出既打氣聲及預先準傭既食物所感動,講過只要日後有機會的話,一定要掉轉角色,為所有比賽參加者打氣及加油.

估唔到,上次作為參加者被支持者所感動;今次到自己做支持者,反過來卻被又參加者所感動~

如果之前有收看過【香港事.情 第1集 - 看不見的翅膀】既朋友,應該知道此集被訪者小芳既經歷及遭遇.如果未有看過的話,肥龍誠意推介各位花小小時間收看本集.對肥龍而言,重點不只在小芳之前發生既事件,最重要及感動既部份係透過及認識小芳既故事,令普通及四肢健全既自己明白到,如何體會甚麼叫做「將不可能成為可能」.

工作或生活上,包括自己,身邊既同事朋友可能都會遇到困難.但當留意事件本身周遭,各部份之間其實存在著唔少有效資源及可用能力,只可能有時因為心理上關係,又或者實際原因並冇使用出來.例如跑步/游泳,聽過唔少人講過自己唔識跑步/游泳又或者覺得自己跑/游得慢,就算開始跑,可能都會半途而癈.

當然任何人有選擇既自由,肥龍想講既只著眼說明「能力」一環.譬如沒有手臂既小芳,從外表睇,她冇既唔單止係能力(游泳),更甚至係冇可以使用能力既資源(雙臂).There is no boundary or limition. 嗯,想深一層,有能力及資源既大部人,又正在想甚麼,做甚麼呢?


實不相瞞,當日每次當見小芳經過身旁時,除咗舉機拍照,有兩次自己更被感動得兩眼通紅,因為我覺得她實在了不起!作為一位運動既參與者,肥龍從來唔會覺得殘障人仕會比健全既參加者有任何分別,特別在兩鐵/三鐵/游泳/跑步比賽上,喺外在環境上,其實大家要做要面對既其實係一樣,而每人各有自己既長處短處及困難,要睇就係各自既賽前準備及平時練習所成既基本功.

而雖然沿途都有幫她打氣,又其實起步之前,本來肥龍有機會走到她前面親口講聲加油,不過因為當時有其他事處理,到後來完成後已經唔見咗小芳既蹤影~再有機會遇見,一定會再講啦!

所以有時唔做參加者,做支持者表達支持及打氣又會有另一種體會.就算素不相識,有機會可以考慮下到現場為參加者打氣啦!