睇完有關李松興先生既報導，好感動．
感動唔單止係李先生身體力行，用真金白銀及行動去幫助有需要既人．
「來者不拒」－ 更感動係見到人與人之間既「信任」．
喺肥龍自幼長大既環境裡，與親人鄰里同學朋友間，從來都係「信任」．因為信任，你幫我我幫你係好平常．
記起龍媽既教誨: 「有能力既時候， 就要幫助其他有需要既人」．
此話一直銘記在心.
人生總有高低潮，有困難，可能因為唔同原因，難於啟齒．若此刻得到其他人無私既支援，相信亦會感受到，一碗粥再唔係一碗粥．
有能力者，就用能力及行動支持．又記起on dog兄那一篇：勿以善小而不為．
留意身邊人與事，睇下可以做咩啦！
5 則留言:
又一個仗義每多屠狗輩的故事。
我呢，都諗緊不如每月損錢比ｄ慈善團體搞既食物銀行，阿媽有訓，人地乞錢可以唔比，但如果人地係問你攞食物，就一定要比。
共富難，共渡患難者較易見。
孰為上等人？
富與貧，與快樂又何干？
＞＞人地乞錢可以唔比，但如果人地係問你攞食物，就一定要比。
係！
李先生既故事令我諗起互相扶持既精神．特別係李先生既員工及供應商，只不過係其喺平常既生活及營運中，行多一步，去幫助及出力為有需要既人作支援．
不過呢一小步，加起黎就變成一大步．
另外，見其他人因為報導而捐贈物品金錢去表示支持，卻在心中有一點矛盾．施德固然令人欣慰，而心意亦直接明顯．不過，其實大家只要如平常般光顧及支持，令店可以繼續經營下去，令有需要既人繼續可以得到援手．
不過我諗，除咗李先生既大排檔，會唔會有其他地方都可以做相同既事，或有更好既方法將呢個效果再放大呢？
有時我覺得自己想法好天真架，不過其實我又真係咁諗喎．
發佈留言