寓賽於操果然有效！其實自從星期日比賽過後，體能尚在回復中．不過始終希望可以保持狀態及習慣，今晚就打算作簡單練習，順道放鬆一下雙腿既肌肉．
結果喺冇刻意留意時間下，除咗早段因為攰既關係跑得比較慢之外，跑至十分鐘過後，反而愈跑愈有．而本來感覺疲勞既雙腿亦慢慢適應下來，最後更可以試一段小衝刺．實在意外！
跑鞋
已穿著比賽及練習咗十個多月既跑鞋，最近發現鞋形及近腳根有些少變形跡象，而且彈性亦感覺比之前差咗．
粗略計算，腳下既一對，大概比賽加練習既距離應已超過咗300km．嗯．．．或者都係時候留意定新一對啦，除咗要時間適應，亦免得到真正比賽時試新鞋既風險．
4 則留言:
Right! 小弟2008跑10K前兩星期先跑甩底, 好麻煩架~!
肥龍兄:
跑步係咪用跑步鞋會否對一雙腳而言無咁倦呢(因家中波鞋居多)?
on dog，
咁真係要認真搵番對呀！
karen，
其實我並唔係太清楚你所指既波鞋係指邊一種功能既運動鞋（例如行街／便服鞋，網球鞋等），所以係決定咪有需要買跑步鞋之前，都係check清楚先好．
不過如果你腳下既波鞋已經著咗超過兩年的話，如果你問我，我當然建議你買番對新跑步鞋啦．
始終設計上，跑步鞋喺防震及保護性上比一般其他運動鞋好及穩定，及為跑步而設計．
而價錢方面，其實唔重要．最重要係腳形合適及舒服．我所著既一對，大概$480左右（mizuno wave rider 10).
我都試過唔只一次跑到鞋都甩底，明明鞋面重好新淨，就係是單一邊甩底咁先灰。
跑步鞋多數都係透氣綱面，方便散熱，減少因腳仔出汗，造成長期磨擦而起水泡可能。
發佈留言