種子葉樹

兩年前起，肥龍習慣每個月預留幾舊水捐俾所屬學校(大學).

其實講真幾舊水對肥龍、對學校黎講只係一個好細既數目.

有時同朋友、同事,甚至係間中買野都會駛咗去.

不過,成件事肥龍睇係對學校感情既堅持及歸屬感多於其他目的,甚至可以話無其他目的.有時學校為表謝意,話會為支持既校友喺書本或其他地方命名,老實講,真係多謝兼唔駛啦.

反而有時肥龍接到一啲由學校義工(通常係仲讀緊大學)打黎既電話,好多野就有啲盡在不言中.

佢地師兄前，師兄後咁嘗試去推介或詢問唔同範疇既內客,雖然大家素未謀面對面,但都可以感受到果份熱誠.

除非佢地打黎果陣時肥龍真係好忙或者唔方便講電話,否刖一般都會好客氣咁慢慢聆聽,好有耐性咁一一回答,直至收線為止.

因為大家都係為學校出一分力.

而且肥龍都想俾所有首曾經及將會打電話俾肥龍既師兄師弟、師姐師妹知,其實好多人畢業後好關心學校既情況同發展.

如果烏托邦咁去諗, 肥龍都希望藉呢啲機會, 身體力行去感染佢地. 希望有朝一日當佢地離開學後,可以保持呢顆心,繼續為學校出力,並且繼續感染未來及幾多校友去出力.

到時真係做到每人幫少少,集腋成裘就最好啦.