【My Sassy Girl】雖然已經睇過N次，不過都仲係一次又一次坐定定。故事當然好睇，車太弘都做得好好，不過肥龍目光始終停留喺全智賢上。
肥龍都明白搵突破係好既，不過只此一套又真係令粉絲失望囉。如果全小姐可以好似MEG RYAN咁索性成為愛情片女王的話，一套一套愛情片咁拍落去，肥龍呢類電車可能會一直追落去架。
總好過今次呢套，睇完TRAILER已經決定慳番。小夜。。。打打殺殺。。水手裝。。。殭屍。。。嗯，真係唔係肥龍果杯茶。
又喺一本雜誌既訪問中知道，原來全小姐出道十年都只係拍咗八套電影，可以算做唔多產。
咁。。。不如拍廣告啦～
最近又留意到電視廣告。LAST SHOT回眸果一下。。。收到！
不過。。。洗頭水肥龍鍾意用「霸王」喎！
9 則留言:
我都鍾意全智賢呀，真係唔明佢做乜要著水手裝扮十六歲...佢又無功夫底，做乜要做打女呢？
samsara,
或者可以話因為想拍西片、想衝出韓國．．．講真呢次呢個故事及設定真係唔係咁大路（縱然可能會好睇，不過睇完預告真係完全冇意欲入場），又或者以為之前Kill Bill收得啩.
所以就算係食老本，我都係希望佢拍番愛情片．況且劇本都未必千篇一律，可以有好多可塑性吖．
哥哥仔，
我依家仲係用緊Ba Wang。
我也很喜歡全智賢。為甚麽廣告是日文而不是韓文呢？
其實，很多韓國妹也是幾正的。大學的時候，一位從香港來的太子爺，也就常追韓國妹。（這位太子爺現在快接手一個香港大飲食集團，而taste也改變了，喜歡名女人呢）
哥哥仔，
咁效果如何？
George,
因為原本係一個日本品牌（花王Asience）既廣告黎，所以就係日文啦。 相信除咗日文版本之外，應該仲有韓文。
香港都有廣東話版架。
其實，很多韓國妹也是幾正的。>> 上電視，拍電影既好多都係。。。不過韓國流行整容，未必個個都係純天然美女。
哥哥仔：
效果幾好，但係比較乾。
咁記住一齊抽霸王IPO 喇！
Aldous,
你講真？
發佈留言