尋根究底

最近每個星期三晚既例牌節目，當然唔係跑夜馬，就係『TOP GEAR』．

如果你話鎖尼喎，我唔係車迷，所以我唔睇呢類節目架喎～咁講可能有少少言過其實，但真心講你可能錯失咗一個娛樂性高既電視節目．

一般汽車節目，一味係咁講汽車外型，講數據，往往缺乏提及駕駛既樂趣．

又如果講主持，三位主持性格分明，除咗汽車知識豐富，同時又可以互相擦出火花，為本來只可以好平鋪直序報導既資料，變得生動有趣．而且如果你喜歡英式幽默，一定buy！

有時又會好實驗性咁做一啲天馬行空既比較．．．總之絕對唔會簡單從汽車規格表上抽一句，然後話番你知一公里只係用幾多幾多加侖油，就話呢架車慳油．佢反而仲講俾你知點樣既駕駛習憤及情況，先可以慳油．

人地做車評，佢地都做車評，不過佢地就做到咁: (不過呢次車評唔可以完全作準，呢次擺明show quali俾來信果位觀眾睇!)