慶幸有跑步既習慣，除咗身體健康，又可以減壓，更原來可以感染身邊人！
事源公司有四位同事都已報名參加月尾UNICEF既比賽，有報10km，又有報半馬．其中一位已為人母既同事更係第一次參加比賽．成績時間唔係重點，難得係從十月開始堅持每星期去練習．於是，每星期包括肥龍在內，五位每星期二／四放工後同到附近跑馬地馬場跑(馬)圈，各自為定下既目標努力！
肥龍今年目標希望喺耐力及速度上有所提升，令完成時間可以更進一步．以目前進度及情況而言，要跑得比上年跑渣馬好，基本上問題不大，重點反而落喺是否可以喺1hr45min內完成半馬．
上星期練咗一課14km，完成時間為71min，即約5min/k，跟心目中時間差不多．而身體感覺係應該可以維持此速度再跑多2-3km(即大概16-17km).
今個星期每週總里數已到達55km，而週末既兩課亦會加每課18km，為月尾UNICEF比賽作最後準備！
另一方面，經過幾位跑友既介紹，兩星期前亦而把Nike Free 5.0入手並使用練習，感覺唔錯！
6 則留言:
Nice shoes~!
If possible, take a chance in the future and we can run along the Tolo Harbour. The scene there is also very nice!
Add oil for the coming UNICEF~!!!
Run! Forrest! Run!
Hahaha, 加油！（另幫我問候同事C）
龍兄 nike free好唔好跑呢?
會唔會個底唔夠厚，跑得耐腳根位會痛呢?
Bacakara,
相當不俗．雖然頭一兩次著nike free跑時會覺得避震方面跟之前著其他品牌跑鞋唔同，不過適應之後，慢慢覺得整體非常好，輕，鞋身與腳形配合，而最重心部份如鞋底有唔錯既保護性，而且習慣後唔會覺得薄．
又，大概已經練過約十課，超過100km，暫時未有腳痛情況出現．不過跟同行朋友（亦著nike free）討論過此鞋，如果跑者本身未知自己腳板著地情況或本身姿勢唔太正確，著住nike free去跑可能令情況更表面化．未知是好是壞．
另外3.0就應該唔敢試．反正自己著nike free主要係想更了解自己腳板著地既情況及對雙腳肌肉更全面．
C.M.
同事C 好好呀！^^
on dog,
sure! see you in the coming UNICEF run!
發佈留言