關於「跑」，我其實想講．．．

跟朋友講開跑步既經驗，講到點解無論咩比賽，都一直堅持去「跑」，一步都唔「行」既原因．

原因好簡單，就係因為討厭半途而廢．

而且大部份情況下，由「跑」轉到「行」既理由，心理原因居多．

「跑」其實並無快與慢之分，大部份喺路面上既跑者，通常只為自己而「跑」，而快與慢，又只有自己最清楚．

許可的話，其實可以放慢腳步些少，調節一下步伐，完成餘下部份．

可能有人話，「行」一段，等身體慢慢休息，然後可以再「跑」過．視乎距離，不過，決定由「跑」轉到「行」既時候開始，呢個「跑」與「行」既周期，或者會變得愈來愈頻密，更可能成為習憤．

跑五公里時，覺得十公里好長，二十公里、四十公里更加遙不可及．但當跑到十公里時，回望五公里，又會有甚麼想法呢？

未跑過，通常唔知可唔可以跑得到．

遇到困難、逆境，太易放棄，唔好玩．而且，唔似跑步，唔係任何事情都可以「跑」一段，「行」一段，又再「跑」一段．有時機會可能只此一次，又或者，下一次要等上一年或好幾年，要持續去做，到時可能需要更大更強既堅持．

呢個就係我既「跑道」．