再聚

經過沙士，面對金融海嘯，又有最近既豬流感．

雖然仲差兩年先夠十年，不過可以一班舊同事兼上司（依家已經係朋友），每年（今年已經係第八年）都以相同理由出黎聚一聚，實屬難得．

又每次聚會，總會有一啲特別安排，令聚會留下回憶既註腳．

今年，將會食西餐，有人提議每人攜帶一支二百元以下既紅酒／白酒（佳釀？），然後席間逐一淺嘗，最後由廚神（肥龍前上司）選出今晚大家最喜愛既一支．

而肥龍所準備既就係呢一支．

最後都係一句：盡慶之餘，願友誼永固，各人身體健康！