呢個年齡層橫跨起碼六個代溝既聚會, 今晚大家又再見面咧!
要多謝好友阿芬, 喺今晚飯局之前, 好好心機, 鉅細無遺咁寫咗之前幾年既精華及值得記念既片斷. 當中不論食物同記憶, 加埋廚神既紅酒冷知識, 肥龍都非常回味!
2005年形式最特別. 除咗廚神誕生外, 亦因為係分兩parts兩個星期五去搞. 仲記得廚神果晚煮到連餐廳個廚師都走埋出黎食埋一份. 廚神真勁!
2006年感覺最深刻. 因為諗都無諗過當中真性情既對話, 歡樂依然卻又抹上悲傷, 更無諗過會飲醉. 基本上肥龍好錫身, 通常杯中物淺嘗即止. 不過難得喺一班好友(前同事/前上司)面前, 都係飲咗先算! 結果到最後肥龍飲到貓咗, 一上的士就已呼呼入睡, 更差唔多錯過哂當晚德國對厄瓜多爾既世界盃揭幕戰.
2007年會點? 哼, 食咗先知. 不過, 又要醉呀?
4 則留言:
感觸良多. 我諗飲普洱都醉... 期待期待!!!
漏咗講... 你咁誇獎我, 我定要先敬你一杯!!!
普洱定紅酒先? ^^
BOTH ^^
發佈留言