29.7.07

特搜戰隊

有時星期六日無事忙, 與一般人無異, 肥龍鍾意留喺屋企睇咗電視聽吓歌. 但可能因為大唔透又八卦好奇, 每逢星期日朝早, 除咗JP Time TV外, 耐唔耐都會睇吓【特搜戰隊】.

「唔係呀嘩, 肥龍, 你貴庚呀? 仲睇【特搜戰隊】?」

咁當然, 純以劇情黎講, 肥龍當然超哂齡. 而且故事又永遠有個大框框, 睇落變化不大. 另更加唔會買同名既超合金玩具玩啦. 但當收睇【特搜戰隊】時再同以前既「XX戰隊」比較, 發現依家呢類既「XX戰隊」系列, 除咗仲係沿用四至五人團隊模式(用唔同顏色區別如紅、藍、綠、黄、粉紅)外, 原來喺故事上及敵對對手(壞旦)既設定上已經漸漸起革命, 進步及改變咗唔少 . 而當中更會加插有啲亦正亦邪, 成魔再回正道既角色及橋段, 並非仲係停留喺肥龍小時果種只有忠奸好壞、兩方對立既故事模式. 不過有時諗, 除咗畫面繼續打打殺殺外, 咁變法, 其實啲小朋友會唔會睇得明架?

另外又發現以前由第一集一直打到大結局果套機械人形象亦已經有咗唔少改變. 依家, 已開始加入修練、多次元升級及與其他角色合體, 非常多變化及組合, 亦令攻擊模式更多元化. 肥龍就曾睇過一本好似「XX戰隊」年譜既書, 詳細介紹呢類「XX戰隊」由N年前既第一代演變至依家第X代裡面喺唔同方面間既關連(例如故事大綱結構, 機械設計, 角色設定, 武器絕招等), 鉅細無遺, 非常精細及有系统, 絕唔似亂咁黎之餘更保持果一套成功方程式. 而如果肥龍冇留意錯, 就算點變都好, 好似主角或隊長都係由"紅色"去代表.

另外, 講【特搜戰隊】既原因就係發現原來香港版既主題曲係由梁榮忠主唱, 真意外呀! 不過當然都係原裝既好啦! ^^


日本版主題曲


香港版主題曲

1 則留言:

Unknown 說...

Excellent! Both version of songs are good, and it is supervised Leung can song the taste of Sci-Fi.