24.7.07

排洪警告

對唔住, 晨早本來唔係(想)咁鬼負能量, 但諗係唔係真係鋪鋪都要撐到”行”哂, 你先知我既立場又其實原來都係好好火既呢?

你如果唔係唔記得你曾經應承同講過咩, 你知唔知你尋日email最後果幾句說話係幾咁無意義, 但同時又幾令到我心淡呢?

不過你放心, 喺呢件事, 我團火, 可以既話淨係會喺文字上去表達及宣洩. 但如果你想我當眾表現一次, 除非: (一) 我真係好嬲; 或(二) 你真係想我唔俾面你. 咁我或者會做俾你睇, 但係我都唔想勞氣.

又如果我唔係想幫你做好啲, 我就唔會堅持由今年年頭開始為呢件事同你傾到依家. 但你既態度反而間接話番俾我知你只想見步行步.

我既信譽同記性尚算良好保存, 除咗係本人賴以為生既生存之道, 但同時亦係本人工作上既基石, 真係, 一步都唔會退. 而且我既同事同我一樣咁重要.

你唔好以為我出完聲, 你立刻做番, 我就會當無事發生咁. 又, 你再電話同我講既野, 只係含糊兼詞窮.

如果你志在試吓底線, 或者想拖延, 本屬無壞, 但你或者已經忘記咗咩叫互信. 有啲野, 講咗聽咗就講咗聽咗, 返唔到轉頭, 同埋都唔好諗住可以返到轉頭. 而最壞既係你俾其他人睇到你既動機.

不過唔可以唔承認, 關係可以好脆弱, 不在乎已建立咗幾耐.

報告完畢.

(後記: 我知我知, 以上唔係做下屬應有既態度, 但呢次排洪係必須既!!)

6 則留言:

xiao zhu 說...

睇你都係忍無可忍,有需要嘅。好架,一早排洪,有益身心架。^^

"做下屬應有嘅態度"? 其實我爭啲想話:"睇吓係咩老細喇。" 不過再諗我呢句話,又好似有啲啲問題,爭左啲嘢咁。唔,要諗吓先...

野蠻郡主 說...

唔好同佢計較,為左佢傷自己身唔值,快d飲杯凍野先!

s-pig 說...

條氣順返未呀? 天氣熱,我都覺得自己特別燥

Karmen 說...

嬲完激氣完, 咪搵d野做吓氹吓自己la. 男仔點氹自己呢? 打機? 買figure? 睇書? 跑步?

點都好la, 做d想做嘅野la... :D

Old Cake 說...

wow! 好好火咁wor...take it easy! :P

英倫肥龍 說...

各位友好,

多謝關心及鼓勵! 排洪真好架! ^^