就算依家科技愈來愈先進, 愈來愈多方便既時候, 唔知有無人好似肥龍咁, 雖然已經擁有PDA或者類似產品, 但就仲有用小記事簿既習慣.
其實肥龍都有用smartphone去處理日誌及工作有關事項. 不過可能因為手癢, 鍾意寫呢寫路及亂畫一通, 所以就會隨身再攜帶住一本記事簿喺身, 方便即時記錄身邊發生既事件或腦海突然諗起既意念.
咁, 除咗要帶多樣野外, 唔發覺有咩問題囉. 而記事簿又豈止一本, 公事上肥龍通常會分開幾本(唔同顏色封面), 又以事項分門別類. 咁同老細傾野一本, 同同事傾野又另一本...
不過, 貼身既就只此一本,主要記錄私人事宜及一啲零碎點子, 等之後返屋企或得閒時加以整理. 而記事簿中, 又特別偏好loft及page-one 搵到既日本出品, 貪佢細細本, 紙質又正, 紙味夠香, 封面夠靚, 特別好寫.
雖然肥龍都明白其他人諗咩, 但就已經唔止一次, 當開會時肥龍從袋中攞出記事簿準備記錄低有關內容時, 身旁同事都會流露出一副唔可以相信而又奇怪既表情. 彷彿就係用表情話俾肥龍知: 「龍哥, 你唔係呀嘩, 咁樣係咪Out咗呢? 依家人人都已經咩咩咩咁囉! 」
而又當肥龍準備提筆記錄重點時, 耐唔耐就會有人插嘴話: 「阿蛇, 可唔可以唔落簿呀?」
17 則留言:
龍sir,
我覺得落簿型過落palm喎!!
我曾經都試過帶本迷你簿係身，仲要係硬皮黑色加紅色果隻，不過實在太懶寫野，最終放棄了。但年紀越大記性越差，都要考慮跟阿龍蛇做法喇！
我都有兩本. 一本係好靚靚嘅diary, 一格格, 多數都喺log-on買.
另一本, 就係近期先添置, 我稱佢為 "笑料記事簿", 專用來記低身邊人或自己的搞笑事or語錄...:p
記事簿 will never ran out of battery! ^_^
講出黎唔好笑我喎！其實我除左都鍾意用一本本記事簿之外呢，我仲有用電話簿架。雖然而家手提電話可以入晒啲電話，但係我都同時 keep 住本電話簿。我會間唔中攞出黎揭吓揭吓，睇吓啲朋友嘅電話地址，有啲改完又改、有啲刪除左、又有好多移晒民，另外有啲直情唔記得左個人，睇番又會諗番好多嘢，一路睇都幾得意架。
同樣，睇記事簿都係，睇番以前寫啲嘢，有時都唔記得點解果時會寫啲咁嘅嘢，感覺好得意。
咦, 聽落原來我都係地球人喎! ^^
s-pig,
係呀, 寫完仲要放番本簿入恤衫袋內呀! 落簿型好多架. ^3^
大王,
你平日咁多諗頭及大計, 真係要諗諗買番本記低啲點子好喎!
亞芬,
你唔係已經有本"笑料記事簿"既呢咩? 莫非係第二冊?
你唔講又真係醒唔起, log-on果啲都唔錯喎!
Old Cake,
嘻, 不過就驚支筆無墨(包括本人墨水)呀!
燒豬,
係呀, 有時睇番自己都唔明自己寫咩又或者點解咁寫. 電話簿就真係好耐無用啦, 不過就keep住一啲以前同學仔既通訊錄.
不過好奇怪, 我依家仲會記得某啲同學既屋企電話號碼(六個字既), 無得解! ＾＿＿＾
ha...你記得d同學既電話號碼?我記得我識既人既生日日期呀...冇刻意記架,同埋就算個人唔熟都好,只要知道左邊日...都會記得架...好奇怪呀呵...
還是第一冊啫...
肥龍兄：
小弟興幸原來有你陪我一齊 out.
c.m. 兄,
有無興趣一齊行"咇"? (笑)^^
讀書時用薄仔, 但係pocket pc可以同outlook 同步, 太方便哪
馬老板,
係嘅, 不過硬係鍾意一有機會就攞起支筆落簿...嘻!
發佈留言