16.8.09

Tilt Shift Lens Effects




記得一年前左右從雜誌初次認識及接觸移軸鏡(Tilt Shift Lens)既介紹時,已經對其如小小世界般既畫面構圖及效果非常有興趣.

礙於當時只係啱啱開始用DSLR拍照,預算有限之餘,兼且好多基本功及攝影技術尚幼嫩,理應專注練習好快門及光圈既運用及其他光學既認識,所以移軸鏡方面只係喺心中留下深刻印象,有待日後跟進.

奈何難得遇見心頭好,心思思一直思量如何入手.

後來跟一位有資深拍攝經驗既舊同事請教有關移軸鏡既購買情況及注意事項.舊同事T除咗有攝影專業資格之外,間中亦有作品參與影展,所以意見比較中肯及實在(最近T鍾情黑白相沖印,追求原始既畫質).T透露一般移軸鏡絕不平宜(新款動輒港幣一萬五千元一支),而且並非任何地方可以購買得到,通常須要到店舖先預訂比較有保障.不過,其實亦可以考慮購買舊款,雖然規格可能比較普通一啲或低一級,而且因為已經停產,只有二手市場一途可以搵得到,但因此價錢亦比較化算(港幣三至四千元一支).
問題始終係移軸鏡屬於比較專門既鏡頭,而用家普遍惜售,所以貨源一向疏落.後來,經過兩個月喺各大攝影討論區既尋尋覓覓,只係搵到一支.又因為時機問題,物主已經聯絡買家,只好講句緣慳一面,唯有再繼續留意跟進.

有日網友on dog傳來一個網址,竟然係一個可以利用普通相機及鏡頭拍攝既相片,透過網上軟件,模擬移軸鏡效果.

雖然唔係咁公平,用軟件做出來既相片,當然唔可以直接同用移軸鏡拍攝出來既相片比較.不過平心而論,用軟件做出來既效果,其實唔太差,而且操作簡易,只需要控制三個參數,等大約半分鐘左右,一張擬似移軸鏡拍攝既相片就在眼前(雖然因為壓縮問題令畫質失真),兼且軟件屬免費使用,實在值得跟各位拍友介紹試用.
又喜歡拍照既朋友,如有興趣,可以到此處睇下肥龍之前拍攝既照片,大家交流一下.

4 則留言:

Juicy Runners 說...

Hohoho~!

Unknown 說...

good !

Karen Tse 說...

Nice pics Tony!!! Especially, the first one.

Hey, we will have a photo outing coming this Sat evening for sunset. See if you're interested to join. I send you the details by another email. =)

Looking forward to seeing more photos from you.

Karen

Bacakara 說...

勁鐘意呢類效果....正