其實自從第一次到日本到已經去過幾次既今天，腦袋一直有一個問題在思考．．．就係「點解喺日本街上，咁少垃圾桶既？」
有人話日本人普遍公民意識高，加上習慣將垃圾收好並帶回家處理．而且更會將垃圾分類，再各自回收，所以咪咁少垃圾桶囉．咁事實係咪真係咁樣，又或者只係講咗一半呢？於是，肥龍就往搜尋器輸入 "garbage bin usage in Japan" 試下手氣．結果，搵到從一個叫【Japan for Sustainability】既網頁上睇到呢篇．從報告上睇,相信喺推動公民意識之餘，喺日本(起碼在Hino City)，為咗減少廢棄物，正在提倡「用者自(負/付)」既概念，從而希望國民減少製造垃圾. 不過肥龍今次著眼點並非在於減少廢棄物量方面，反而想帶出兩個情況，然後從成本及規模去思考．
情況（一）
喺人多人口稠密既地方設立垃圾桶，並且定期定時，會有工作人員會到垃圾桶所在位置收集垃圾，放進垃圾車，駛往垃圾處理中心／堆田區處理．
情況（二）
不設立或盡量減少設立垃圾桶位置，定期定時工作人員會到民居住所或辦公室附近垃圾收集處收集垃圾，放進垃圾車，駛往垃圾處理中心／堆田區處理．
如果睇番兩個情況，可能會覺得差不多，始終都要搵工作人員定期定時去收集垃圾，送去垃圾處理中心／堆田區處理．但係情況（一）跟情況（二）既最大分別，就係垃圾桶既數量．不論使用任何物資，製造垃圾桶始終有一個成本，而且仲有保養及損壞既情況，如果只係講緊一兩個，當然唔係大問題． 不過如果講到係一個城市甚至於一個國家所需要既數量，大概已經心裡有數，可以係一個好龐大既數目（金錢）．另外，單單設立一個垃圾桶只係一個收集垃圾既工具，但當中使用既消耗品如垃圾袋，垃圾車因為行走路線加長而使用能源增加等，都會計算入收集垃圾費用當中．即係話，垃圾桶數量愈多，收集垃圾費用亦相對愈多．
結果，從整個關係鏈上只要從起點著手或者因為著眼點不同，初步睇（希望之後有時間可以搵到啲實質數據去支持），可以把問題帶到精簡及高效益上面．咁小數怕長計，諗如果可以將省落黎既錢再放入綠化項目或其他更有用既資源上，呢個，可能係一個唔錯既政策．
咁以後喺諗「點解咁少垃圾桶？」既時候，或者可以從另一個方向諗．
11 則留言:
有次去日本, 玩左幾日, 先係和歌山一個景點見到一個水中垃圾...
但係神戶, 成街都係棄置煙頭!
你既觀察都係架.相比第一次到日本，依家隨處都唔難見到有垃圾，特別係人多車多既地方．不過如果去一啲市區以外既住宅區，情況都仲係幾好，總叫做整整齊齊．
其實按交通指示過馬路情況差不多，依家都見有人亂過馬路．不過聽果邊啲同事講．咁如果被捉到唔遵守交通指示的話，一律會被指派往被捉到既交通灯位置上，指導其他人過馬路兩個小時（至於有冇罰錢就唔知）．
我斷估唔係成本原因，而係日本人愛乾淨：
1. 多d垃圾桶會令到條街顯得更烏糟
2. 日本人好少一路行一路係條街食野/拆禮物（我估）
3. 日本唔會容許有人推架木頭垃圾車係條街度出現
... 大概我同你個著眼點真係不同。
嗯，有趣．所提及既差異可以慢慢講．
可能我寫得唔好交待得唔消楚. 其實我原意都唔係先由成本方面諗，只係因為我由「點解喺日本街上，咁少垃圾桶既？」呢條問題開始諗，然後得出所寫既推測．咁推測當然可以唔準，尢其係我既推測．
因為我成日諗以日本既生活指數及成本，喺標準化及科研入面，都會涉及精簡及效益方面既考慮．
但係喺我呢個推測過程中，又發覺背後其實隱藏咗唔少成本．而如果，呢個模式加上當地人既生活習慣，或者可以行得通．
雖然無聊，又其實我仲有諗緊呢條問題．:P
肥龍兄：
都唔知點解我都覺得有趣。
其實你個分析我覺得無大問題，真，其實背後隱藏左唔少成本。不過對於：
>>喺標準化及科研入面，都會涉及精簡及效益方面既考慮
我覺得以日本人民族性，佢地反而唔會考慮成本，尤其對於某些生活標準，仲要不惜工本。
而且，成本亦可以從社會衛生（醫療成本）、社會價值（動員成本）等等等等 perspectives 來看（也互相影響），所以若以“處理垃圾”既財務效率來比較，成本既意義其實可以更為複雜。
不過我諗，你係咪覺得呢個分析或者可以用係你公司呢~ （查實係咪遮？）
雖然科技發達可以減低某d成本，但成本
雖然科技發達可以減低某d成本，但成本...(點解停咗既?!)...c.m.兄你...你．．．會講番後面既俾我聽嗰呵?
講番正題, 其實我又諗究竟係因為民族性（愛乾淨）令呢個情況出現吖,定係先有目標（如用者自付），再經過一連串思考，取捨，過濾後而得出既結果．
你講成本亦可以從社會衛生（醫療成本）、社會價值（動員成本）等角度來看，我反而刻意從動機上去思考，所以先從呢個方向出發．不過，呢個方向，可能我又鑽牛角尖都唔定，只係我懷疑呢個唔係必然既情況．不過喺過程中，我可能犯上當中盲點而只往成本／經濟上去諗．而事實，又可能偏偏同成本／經濟無關．
非常同意你提到日本人對於某些生活標準不惜工本．只要見當地購物後既包裝，至垃圾分類及所指定使用既膠袋，不難察覺．
另外，因同你討論呢個問題關係，令我既思考過程刺激不少．實不相瞞，呢單野真係無聊下既白日夢．不過經你一提，覺得更有趣．或者會試下下次喺面試時問下應徵者，睇下會有咩結果（先同下位應徵者講聲sorry呀).
忍唔住仲想寫多少少.
另一個令我思考呢個問題就係今次旅行時有日係到雪山/雪場遊覽. 咁當巴士駛到目的地附近準備上雪山時，眼光往窗外看，外面環境雖然未至荒涼，但就肯定「隔涉」，莫講話天寒地凍時，就算係溫暖既日子，要管理垃圾收集絕不容易．更何況將垃圾從山上較高位置運送到垃圾處理中心／堆田區處理．
而且呢個成本相信絕不便宜，兼如果沿途設有好多垃圾桶，要一個一個停低，收集絕對費時．
咁如果加埋之前講日本人愛乾淨，好少一路行一路係條街食野/拆禮物，咁放少啲垃圾桶或者集中一兩個地點作收集（如車站），應該影響唔大．但就算遇著其他國籍遊客，斷估唔敢明目張膽咁亂拋垃圾啩，結果就只有跟大隊，保留垃圾至有垃圾桶先掉．而且最好就係成個雪山都冇垃圾桶，好等所有遊客要帶埋所有垃圾走．
而集中處理既好處係當收集到一個量或定時先處理，成本上行政安排上會比較符合經濟原則．
肥龍兄：
查實我真係未講完架，因為你個問題雖然好似好簡單（又好似好...hehe），不過，諗呢個問題令我覺得幾開心。不過琴晚頂唔順，瞓著左。
>>究竟係因為民族性（愛乾淨）令呢個情況出現吖,定係先有目標?
若由ends去justify means，咁應該係先有民族性，因為民族性影響較深入同牢固。計劃者Planner會基於自己個性格（民族性），然後再因應社會特質（民族性+目標），去決定如何建立這個成本結構。再想，因為定垃圾桶數量/位置涉及社會/公共服務，所以更向社會/民族特質層面考慮，而非成本。同時亦解釋“動機”並非從成本作前提考慮。
若先假設動機為“成本優先”，亦未嘗不可，那我會想：垃圾桶數量多了，必須有人清理，尤其橫街窄巷。但不能用太多人力，不能像其他地方一樣用人力推垃圾車，原因是人力貴，清理垃圾不划算。而且，動員成本低，不如要人民自行配合。
尤其你講個雪山既情況，日本人力矜貴更凸顯垃圾桶既矜貴。而且，就算垃圾收集成本低，垃圾桶要融入旅遊區環境也不容易，反而影響景觀，增加成本。山上/邊人又少，唔洗咁多垃圾桶喇。呢個絕對可以係成本考慮。
而且正如你所講，遊客既群體行為都對成本控制有幫助。
（提起雪山都覺得凍）
再祝你新年快樂！
祝新年快樂! 身體健康! 平安吉祥!
2008 渣打順利!
祝您家肥屋潤! 龍馬精神! 生意興隆!
(有肥同龍字在中, 注意注意!)
C.M. 兄, on-dog兄, karen,
我都祝各位
「身體健康，身心舒泰，新年快樂！」
家肥屋潤，龍馬精神既肥龍上
發佈留言