8.2.09

一小時五十八分鐘零七秒 (更正)

黎到第四次挑戰渣打半馬,終於可以突破兩小時線,以約一小時五十八分鐘零七秒完成! Yeah!!

呢個成績,真係好滿意呀!

當然,能夠做出目標成績,關鍵在於對賽道既熟悉及先前針對性既練習,令賽前既部署大致可以按照計劃般發揮出黎.

沿途一直留意目標時間去完成各分段距離.由於最初三公里時間比原先目標時間稍微落後,及後只有一直沉著面對,並等待喺適當路段上再提速,希望可以逐少逐少咁追番所落後既時間.最後喺約十三公里左右(入西隧前)終於重拾賽前部署節奏及時間,並一直保持至衝終點.

期間,當跑到艱難既路段及最後段時,除咗保持速度外,心中只有不斷咁鼓勵自己要頂住,因為,終點就喺冇幾遠既啫.

呢個經驗,又一次話俾肥龍知:「有目標,只要肯堅持努力,遲早都會得既!」

另外,一眾參賽既好友及同事亦平安完成各項賽事,實在好值得高興!咁,可以同一班好友練習及一齊比賽,亦係一件好開心既事!

當渣打半馬結束,肥龍今年度既馬拉松比賽及練習其實仲未告一段落架!休息一個星期左右後,就會再重拾練習,再向人生既第一個全馬比賽進發!

8 則留言:

Bacakara 說...

恭起 龍兄,自己一直跑時,都一直有留意前方何有大大隻既跑手,不過睇番個時間,大家相差接近十分鐘,咁就真係我係灣仔,龍兄已經係銅鑼灣衝線了。

全馬個人覺得時間同速度控制更重要。頭三十公里,相信一定無問題。但三十公里開始,雙腳肌肉開始接受極大考驗。三十五公里後,已經隨時進入hit the wall 狀態,不過我相信有時做人,盡左力就足夠,成績係其次。

xiao zhu 說...

好嘢呀!!"啪啪啪啪......"(係掌聲黎架。)^^

Juicy Runners 說...

今年見到有位朋友右持一部EOS450D但又好認真咁跑10K, 同一場合滿足佢兩種需要/願望, 多好!

Samsara 說...

好強...等你東京馬拉松既跑後報告!!!

你呀你,攞到我都心動想去東京跑呀...分分鍾仲可以tum到操流利日文既CSC一齊去添呀!!!

Unknown 說...

好野,大家又完成一年既目標!不過最美中不足,就係冇一齊坐低食埋個早餐做個總結就最完美喇!下年再黎過!

數奇門 說...

為你驕傲

野蠻郡主 說...

恭喜晒.....又再一次創佳績!

去東京跑要加油喲!

英倫肥龍 說...

感謝各位鼓勵,可以以賽前所訂目標時間完成,實在開心及滿意.

依循今年或一貫既跑法,當然仲有好多空間進步.不過,如果可以的話,希望可以下個月既東京全馬吸收一下全馬路程及體能上既經驗.而2009年希望可以改善跑姿及步幅(啱啱買咗渣打自己既video.睇完兩樣都唔掂呀.如果想再上一層,真係要俾心機落下功夫,由最基本去再練.)

套用Tiger Woods一句:「如果現在退一步係為未來進兩、三步,點解唔嘗試下呢?」

而且,心情想法好特別.不過肯定既就係會繼續跑,再試其他比賽,再到唔同地方跑,而且仲可以再努力,再進步.

跑完東京再同大家報告! :)