咪龍門柱囉....
原來，除咗【足球小將】裡面，志偉話「足球係我好朋友！」之外，經此一提，喺足球比賽場上，仲有呢段看似理所當然，卻又互相扶持既緊密關係．
有能力將本應屬於球賽中一部份，不過又不為旁人觀眾及球迷留意既物件，描述得如此實在，如此一矢中的，相信只有一人．
愈諗愈會心微笑．
其實對呢個消息，自己並不傷感，只係聽完感覺到一份失落．而呢份失落，又一直停留喺心中，唔想講唔想寫，不過始終都係喺度寫咗出黎．
今朝出門口前留意到晨早新聞有你既一段說話．
（微微笑）「我要場波踢完我先識講架，我係做新聞既！」
喺未有各式既新聞台前，要留意新聞時事體育消息，就只有【午間新聞】，【六點半新聞】及【晚間新聞】．自己非常鍾意運動，亦非常留意各樣運動比賽消息及結果，所以往往會睇到最後等待到體育新聞報導完畢後，先會起身做其他事．就算當日其他新聞內容如何沈重，喺呢短短幾分鐘中，就係最輕鬆既時刻．
雖然新聞題目每日唔同，收睇你所報導既體育新聞卻成為習慣．
希望你可以安息．
2 則留言:
真係好令人懷念。
燒豬,
嗯,非常懷念.
發佈留言