跑少日馬啫，點解會咁大件事及反應咁？
凡事總會有個理由及其結果．情況就好似東主有喜暫停營業一天一樣，咁點解唔可以因為天氣情況決定取消呢？唔通馬匹及騎師既安全，大家唔會關心？
又可能有人問點解唔留到到當日先作決定，咁其實應家柏已經有所回應，不過似乎未為一眾馬迷所接受．
而且天氣預報只係想大眾可以了解大致天氣狀況．香港地理面積再細，仲係會出現跑馬地落大雨，上水陽光普照．何況係三號風球加上黑雨之後．而且自己亦應有個判斷及觀察．
唔好將話題講得太遠．問題係，其實少一日賽馬，對有大家咩影響或損失呢？
最後申報：我唔係馬迷兼冇買馬．更唔係天文台既擁戴者．我只係不吐不快啫．
5 則留言:
香港人而家最愛是投訴，見怪不怪。
有d人平時冇咩娛樂,一個星期跑兩日馬對佢地可能真係好緊要架!你又跑馬...拉松,又寫blog,又影相,又返學,生活咁充實,梗係唔明人地d諗法啦...
最慘係人地可能已經做晒功課、刨晒馬經、午夜夢迴,度左條奪命三穿七,諗埋羸左d錢點洗...突然之間話冇得跑,俾你都嬲爆啦...係咪?? hahahaha
其實D人應該揾吓其他嘢做啦! 一日剩係掛住賭...
冇得救!
老老實實，嗜好冇話嫌多，何況有錢落袋．如果有條奪命三穿七的話，麻煩單聲俾各位巴打絲打知．^^
最慘係冇得跑, 成日流流長, 坐係屋企又唔知做乜. 臨時臨急又約唔到人開枱, 睇tv 又悶死, 明明諗住會執三幾萬食包魚, 家下乜都冇, 果下慘ar~~~~
發佈留言