地球暖化

相信經過呢個農曆新年後,好多人都好有興趣問句點解過年咁熱架?

全球暖化一早已經唔係咩新聞同題材,肥龍亦無須喺度班門弄斧.

不過肥龍工作上接觸好多喺國內有設廠既港資老細,有時同佢地講開一啲同環保有關既討論時,普遍俾肥龍既感覺係兩個字:冷淡.

雖然佢地未至於提及雙面影印,廢紙回收,節約用電呢類措施就當自己間廠已經好環保.但在商言商,佢地可能更關心其他野(例如喺邊度開廠有稅務優惠、工人人工、電力平啲、勞保條例鬆啲). 至於環保,相信除非市政府又或者佢地既大客(歐、美、日等)有要求或俾壓力佢地,否則佢地唔會咁自覺去做及執行.

再者,肥龍都聽唔少廠話有乜ISO14000體系認証,但其實只係紅頭文件,只會喺評審前先去執行.

公道啲講,咁都有一啲負責任既企業好有系统去計劃同執行.

所以當肥龍聽到曾先生話會同廣東省政府會就環保及廢氣排放計劃達成協議,又或者喺香港搞"藍天行動"時,不妨諗諗點樣利誘班喺廣東省設廠既港資去(正視)處理呢個課題,可能仲有成效.