仲要講演技！
可惜遇著一對睇唔明既球證及旁證～結果嗌「CUT！再黎多Take!~」
當出現「上帝之手」、「插水」、「詐死」之後，以後睇波可能又要留意多一樣．
不過．．．你話諗出呢套野嗰（幾）位Clever好，dirty又好，按照球例，呢球可算係valid goal既. 但係如果有粉絲或有其他人話過程次要，勝出、入球最重要，咁球例以外，又真係冇咩值得好去講．之但係喺運動場上，除咗賽果，始終仲有「Fair Play」呢一套囉．
而且試諗下呢場波有幾多人睇？又當中睇咗既，你估有幾多人會有樣學樣呢？再咁落去，第日踢波除咗講戰術排陣球技體力之外，可能仲要防「古惑」．另外呢類小把戲，對青年球員有益定有害，都係留番俾各位自己諗好啦．
講返場波，本人非紅魔粉絲，果晚純粹睇波，其實紅魔整體佈局及各方面發揮都喺車仔之上，贏得合理架．又如果可以唔出呢套野，呢個賽果更值得尊重囉．話時話，講到底車仔後防唔集中又爭唔落既～！
5 則留言:
段片睇唔到呀！
其實現今足球，已經變得好商業化，間中有d 創意，間中有球隊肯花心思去研究戰術，應該係值得尊重。
比賽從來都係講結果，國際足協一直推崇球証依例判決，但今次球証明顯係依自己思想判決，自傷矛盾中。
最後補番句，對車仔，根本唔洗同佢客氣，哈哈。
紅魔鬼上
aldous，
已更新．有得睇啦．試下啦～
bakacara，
嗯，對於「比賽從來都係講結果」呢句，始終有所保留．當然成王敗寇，從來好少人同情敗者．
講番呢套小把戲，容許我覺得佢同「反人牆」，「角球時掩護」等戰術有少少分別．分別在於一樣野：做「戲」．
就算我係紅魔粉絲，意見亦一樣．另外，我都同意你話球隊應該多去研究戰術呀．
其實『蠱惑角球』同『快開罰球』既情況都係差唔多，都係摶出奇不異。
不過如果車仔打好d...曼聯都仍能勝出，咁作為球迷，會睇得更開心。
Click 下 Click 下 Click 咗上嚟。
曼聯真係有好多蠱惑仔，不過呢次真係好有創意同埋好有娛樂性囉。
:P
發佈留言