經過一星期密集式既飯局及宴會，令本來已經拜拜咗豬腩肉，喺呢兩三日，似蠢蠢欲動又想重出江湖，連同行練習既好友G亦不禁笑住口話「真係好快呀～」．
羅馬非一日建成，但係豬腩絕對可以兩三日煉成！
食果陣時大魚大肉，不亦樂乎．可惜現實真係好殘酷！如果要跑步，身重一定比身輕跑得辛苦．而且最近天氣已經明顯轉熱，就算晚間進行練習，氣溫隨時都有27-28度．只不過係平日慣常既練習距離及時間，經已唔易應付．
仲有，再係咁落去，之前買落既背心就著唔落架啦．
慶幸係經過一段時間既練習後，身體受外在因素影響既情況正在改善，暫時尚可以保持原來90%既表現，只係跑得辛苦咗啲．嗯．．．都唔知要額外跑多幾公里，先可以變回之前既身體狀態呀．
如果要回復並要再進一步，相信要再「的」起心肝，喺練習既同時，認真留意一下飲食．
我要減磅！
11 則留言:
教練，努力呀！
唔好比自己肥呀，上山容易落山難。
以你而家嘅心志，要減番唔難啫。
我突然醒起，你個名，遲啲駛唔駛改呢?
samsara，
誘惑真係好大，特別美食當前．．．要「的」起心肝．．．
燒豬，
有冇咩好提議呢？
咁，小弟去完北海，咪一樣前功盡廢？
咁，會唔會都再著唔到件Orange Sunkist vest?
|||*.*
咁....遲d馬路上豈不是會有兩個圓look look既橙在度look..........
on dog,
外遊當然要盡情啦～放心去食啦！
samsara,
碌呀碌， 碌呀碌．．．．:p
唔叫肥龍，應該叫 Fit馬，雖然聽落好似冇乜新意，但係（將會?）好貼切呀。
maybe 叫 "騰龍"! Tamron~!!!
18-270! 天涯feel~!
on dog及燒豬，
Fit馬同騰龍我都鍾意！又，我又諗到一個：「暴龍」～
暴走既肥龍，暴曬既肥龍。
千其唔好變左"暴飲暴食"既為食龍~
不如喪龍，係喪跑嗰隻！勁！
不過估唔到你會咁易肥。唔通跑步跑慣咗，一鬆懈少少就會肥番？
發佈留言