壽臣山 - Shouson Hill

肥龍諗每日好多南區人行經壽臣山 (Shouson Hill), 都未必知道原來呢個地方係以周壽臣(1861 年 -1959年)命名。而且以"Shouson"咁洋化既名稱,相信大多數人(包括肥龍)都以為Shouson係英國人(如羅便臣道,堅尼地道等以殖民地時代政府官員名稱命名). 唔講真係唔知,原來Shouson係中國人喎! 多得蘋果李八方尋日喺專欄指出壽臣山既名稱既由來,令生於香港仔,心繫南區既肥龍又知多一樣有關南區既故事.

原來一生事業輝煌既周壽臣，當年除做埋香港立法局議員外、仲成為香港首位華人行政局非官守議員，及獲封為英國爵士。亦因為佢咁威水，所以當時英政府更將香港島南區壽臣山及壽臣山道以佢命名，表揚佢既貢獻。


另外,肥龍整咗個有關南區既BLOG (http://southerndistrict.blogspot.com/). 除咗有肥龍所拍既照片外,更附加Google Earth既座標作參考, 冀望能令各方訪客可以更深入知道南區呢處地方外, 並能分享呢處大自然既景色同山明水秀. 謝謝!