又或者，跑步已經成為生活上既習慣，唔跑唔舒服．而且因為持續去跑步關係，身體及各方面都比以前健康及有規律，實在意想不到．
上一篇提到既超級馬拉松人DEAN JARNAZES，有人問佢，跑步時，最享受既究竟係「咩野」呢？佢老哥竟然答係「痛楚」！
就算肥龍鍾意捱，斷估都未會有此位老哥咁瘋狂，將痛楚睇成享受～！如果真係講跑步時最享受既地方，肥龍就肯定會話係中途及完成後出一身汗既感覺．
而且特別係喺夏天，有時都唔知咩事，肥龍總係專揀啲酷熱天氣警報既日子，穿上跑鞋，向著離家冇幾遠既淺水灣跑呀跑（係咪好痴線呢～）！天氣雖熱，但當見到藍天無雲又旁邊一片大海時，真係跑緊咩都唔記得哂啦！
炎熱既夏天，有時覺得特別寧靜，靜到可以聽到風聲、船既摩打聲、鳥既叫聲、海既浪聲．．．仲有自己既呼吸聲及腳步聲！
呢種感覺．．．．嗯，真係好爽！
今年夏天只係啱啱開始，肥龍已經急不及待，想搵次跑到淺水灣沙灘，然後剝哂衫褲剝哂鞋（well....仲有泳褲），跳落海去游水囉！Hohoho～
距離比賽季節尚有大半年時間，除咗保持一星期練習三課，跑步有時都要講下輕鬆，講下新鮮感既．．．最近因為搬家關係，令之前既練習亦因而有所改變．
而最近就搵咗兩條新路線，希望將來可以多利用及練習！
Length: Approx. 7.5km
Finish time: 37 min 54 seconds
Length: Approx. 6.5km
Finish time: 33 min 45 seconds
5 則留言:
>>然後剝哂衫褲剝哂鞋...
Ho Ho Ho~!
(你都知我實係......)
教練放人飛機呀！
無陰公呀！！
好慘呀！！
無良呀！！！
（S結果自己跑，今次肯定係腳跟落地，小腿勁攰，腳皮底抽筋，最後果１００米平路仲要提唔高腳差ｄ仆在條橋度....依ｄ，係咪就係enjoy the pain呢？）
(still suffering from knees error...)
S, are u... blaming?
on dog,
HO HO HO~
Samsara,
no show真係逼不得已又無奈呀！真係一百個唔好意思呀～唔怕同你講，我尋日朝早先跑完7km，晏晝再同大隻佬兄弟(去做咗一個鐘頭gym，做完真係成身散哂囉！
小腿勁攰，抽筋？點解呀？對上一次係星期四跑？
啊！你為左大隻佬而放我飛機！！！
我為左大隻佬就話姐，你．．．．．．．．．
我上次跑已經係星期三啦，休息一定夠。
我係因為跑姿改左，腳跟一落地，小腿就感受到好solid既壓力，我依人都未用過既muscle突然要承受全身重量，當然會嗌救命啦。
今次跑完knee完全無事。
發佈留言