老sell遊記（海外版）: 救泊車盲

肥龍本身係一個泊車盲, L泊位尚算可以, Parallel泊位喎, 千祈唔好泊車果陣有車喺後面等住, 否則必定皮質醇突然標高. 莫講話好似豬啲拗爐呢類龐然大物, 就算細架啲既車, 亦都有可能攪到身水身汗.肥龍咁耐以黎都係喺停車場整花部車(仲要唔係自己車!). 又或者, 只要安裝番個「X將軍」之類既泊車感應器先可以避免呢個問題嘞.

英國意大利同好多歐洲國家一樣, 城市內有著唔少狹窄小巷, 平日行車已經要打醒十二分精神, 而喺入面泊車就更加係高難度動作. 今次遠遊, 除咗見到Smart之類既環保二人小車外, 喺街上更見到唔少一人既小車, 令大鄉里既肥龍又大開眼界線. 而且有啲外型好特別, 有從後面望似足個木箱咁, 又有啲就似卡通片IQ博士裡既Q版車, 色澤鮮艷又外型攪鬼, 唔睇清楚仲可能估外殼之內其實係用雙腳行走添.

有咗呢啲小車, 泊車可能變得無難度, 肥龍呢類泊車盲有救星啦! ^^

似足個木箱既小車