可能又係庸人自擾既話題. 不過自上個星期睇完某戲至今, 對戲入面其中一段一直徘徊喺腦海中, 咁無無聊聊又可以繼續諗吓.
其實, 大家有幾多人真係完全認識、了解自己呢? 咁大家又係用咩渠道及方法去認知自己呢? 有唔少扑主(博客)喺寫自己既扑時, 或多或少會喺簡介或自我介紹入面加幾句, 希望令到訪既各方朋友可以知道自己既說話, 嗜好, 喜愛既事物. 不過各方朋友睇完個扑後, 又係咪真係接收到呢啲訊息或者會有相同評論, 就唔係咁清楚咧.
另外讀書時大家又會俾自己本紀念冊啲老友呀, 同學呀, 心儀對象呀去寫呀寫. 咁之後細心閱讀, 從文字中, 先知道喺對方心目中, 原來自己係咁個喎! 之後又再睇, 可能仲發現一啲連自己都唔為意既口頭嬋呀, 小動作呀, 仲有處事手法, 更加唔知道原來當年某日自己既行為或說話如何令對方留下(深刻)印象呢!
又有時, 打掃屋企搬屋時, 總會無意搵到其他人寫俾自己既書信或memo, 咁下意識咁, 又會坐定定睇番一陣先. 不過, 又原來, 喺閱讀對方寫俾自己既留言時, 不論係好話定係逆言, 從他人既文字去認識自己, 真係好好feel同滋味在心頭, 又會令人突然諗起呢個他/ 她.
而且, 咁睇, 又不失為一個自省既機會.
7 則留言:
咁你得閒寮返幾封信俾我…等你再老d既時候我再俾返你睇啦!~~
好耐都冇上過水面啦...我又返黎啦...
其實我係一個好在意其他人對自己睇法既人,所以,如果有人同我講,我覺得你點點點,咁咁咁...我又真係會返去係咁諗爆頭...呀...其實我係咪真係咁架呢?點解我會咁咁咁呢?其實我咁做既理由係咩咩咩呢?...
但係人越大,我越發覺自己唔係單純得一面,應該話,唔會,唔可以只得一面...撞過太多次板啦...呢樣野,要努力再做好d...不過係後話
老細話我唔夠自信;
同事話我太串;
朋友話我太天真;
喜歡的人話我小女人;
blog友梗係話我行蹤飄忽啦
等等...
大多數時候,人地既說話,我都覺得係金石良言,唔係都唔會係咁諗啦...但係,其實佢地每個人講嘅,都可能係佢地認識既我,我眾多「個性」之中既其中一個我;但係又可能只係我project係佢地面前,我想佢地睇到既我黎架咋...
呢d睇法,可能好啱,但又可能未必係最真實既我,又或者只係reflect我自己project既映像,咁,又有冇需要去用人地既睇法,去evaluate自己呢?會唔會,最終,都係應該問自己,想點去對待一d人,一d事呢?對住其他人,可以講大話,對住自己,點都呃唔到自己架,係咪? afterall,應該都要靠自己既感覺去做人架,係咪?聽人地講,不如聽自己個心講啦,係咪?
sorry呀,龍哥,其實黎個comment,同你一樣,真係自省rather than comment,你寫既,有詩意多好多...
野蠻郡主,
好! 等我寮返幾封信俾你先呀~~ ^^
s-pig,
係啦, 你去咗邊庶潛水呀? 自省好comment又好, 多啲上黎咧!^^
就你所寫, 都覺得你應該係一個好在意其他人對自己睇法既人. 不過我只識講, 其實我同你都一樣, 只不過可能真係年紀大咗, 有時對人地既說話/文字識得阿Q咁避重就輕去帶過啫...做人係咁架啦, 咪由得佢囉!
不過又講番, 好多時, 可能直到你睇到對方寫俾自己既文字時, 先知道對方既觀察力如何貼切, 又可能似面鏡咁, 睇到可能連自己亦唔察覺到既一面.
我好努力咁自我調整呀...不過唔多成功呀...
其實你係咪有d sweet sweet 野想share俾大家知呀? hehehe
你係先好講…咁我地就會好似小學個時咁玩寫信…個時同d同學，日日見都仲可以日日寫信…
s-pig,
都算sweet架, 不過唔係講我自己, 係講戲入面男女主角咋...^^
我只係借題發揮呀...
發佈留言