真的漢子

通常耐唔耐都會見到有警務處招募警務人員既廣告, 不以為然. 今次喺倫敦地鐵入面咁啱見到一個. 從未去搵過英國有關正職警員人數同流失率有幾嚴重, 更唔係好清楚倫敦既治安情況. 雖然呢個本應係一個好認真既題目, 不過再睇呢張相上面既文字, 肥龍就好自然諗: 「其實有無人真係因為呢啲點子而走去應徵架?」

- 完善專業訓練...
- 與在職差人一齊執勤及照應...
- 刺激既警務工作...
- 獨一無二兼刺激既經驗...

好好奇, 以上呢啲經歷會有幾多人期待呢?
又, 既然係義工, 定係仲有其他更實在既吸引力呢?