藍色能量

唔知有幾多人好似肥龍咁好鍾意及留心每年日本寶礦力既廣告.

如果紅色既可口可樂代表節日、快樂及歡欣, 咁籃色既寶礦力就代表夏天、青春及朝氣.

記得自大約1997、8年左右第一次接觸寶礦力廣告, 肥龍深深咁被充滿動感既夏天畫面及輕快既主題曲旋律所吸引. 而每個廣告系列既演出者不論男女, 計落有宮澤里惠、中山亞微里、福山雅治同綾瀨遙等, 每位總可以帶出及俾觀眾一股青春及朝氣既氣息! 仲有就係主題曲, 除咗風格统一外,往往能為畫面做出畫龍點睛既效果.

而之前綾瀨遙演出既一輯更加係肥龍既至愛, 睇完恨不得立刻飛去海灘, 狂跑跳落水, 然後浮喺碧波中, 過番個懶洋洋既夏天. (雖然,香港海灘水質同個藍天比唔上畫面果處...)

玩既活動亦可以好原始, 同肥龍之前寫既「水塘蹤橫 」、「石澗之樂 」、「宿營之癲 」非常類同. 有時, 消間就係咁簡單, 在乎你用咩心情去迎接.

結尾時綾瀨遙飲咗啖之後「嗄!」一聲令你覺得真係好解渴、好好飲喎!

多得YouTube, 肥龍可以再重温呢啲片段.

講真, 睇多啲, 真係正能量都會多啲.

((((((((夏天呀!))))))))

主題曲: Mr. Children - 四次元 Four Dimensions







主題曲: ポルノグラフィティ - ハネウマライダー