叔叔都笑

睇今期「茶CUP」雜誌講開「特區麻甩中佬症候群」, 圖文並茂, 羅列出特區麻甩大千相, 非常搞笑.

先有穿三個骨爛牛仔褲, 一對波鞋, 唔着襪, 斜孭一隻旅行袋;

再有帶CAP帽, 唔攝入褲脚既恤衫, 邊行邊玩手機Game.

肥龍三十出頭, 諗諗都係時候要留意吓儀容. 避免日後壯志未酬, 歲月流逝, 肚腩湧現, 患上麻甩中佬症候群時, 咁就真係鞭長莫及啦.

過喺肥龍未開始任何行動之前, 今晚就先黎一野挫折.

話說今晚肥龍喺樓下大堂入Lift時, 同時有幾個十五、六既年青人走埋入黎. 期間有位年青人喺電梯內低低能能咁講咗幾個爛Gap, 咁肥龍聽到咪「咪咪」嘴笑囉, 點知其中一位竟然彈咗句:「叔叔都笑」...

肥龍聽完直情係即場雙眼反白!

年青人, 咩「叔叔」? 你估你仲細呀? 叫「哥哥」呀~~~!