27.5.07

十分理髮

呢個週末, 肥龍貪得意走咗去試「十分鐘理髮」.

整個過程, 令肥龍忽然回憶番以前細路嗰陣喺街邊或樓梯底剪頭髮既經驗.

其實好似肥龍呢亭人, 一向欠缺耐性, 最怕等得耐. 又冇咩要求, 只係好簡單咁想去到時求祈有個師傅快快手剪好個頭即閃就得.

唔知有冇人好似肥龍咁, 其實冇咩特別要求(例如染髮呀, 電髮呀), 只係普通斜剷圈耳唔留「的水」再剪薄少少就得果隻, 兼又冇話一定指定邊個師傅去護理肥龍既秀髮.

其實, 肥龍一直都唔係好明白或享受喺salon洗頭既過程. 兼且洗完頭沖完水後, 肥龍多數都唔多滿意師傅幫肥龍吹出黎既頭. 結果就係每次吹完頭, 俾錢落樓後覺得周身唔自然, 急急脚番屋企再洗多次頭先得囉.

而且, 肥龍雖然鍾意吹水, 但去到剪髮呢, 又真係好少會同師傅有咩傾. 咁, 如果係女師傅呢, 都仲可能. 但係如果係男師傳呢...嘿, 免啦. 仲有, 肥龍對忽週類既「消閒雜誌」興趣不大...

「十分鐘理髮」既出現, 彷彿就係針對肥龍呢亭客, 正正滿足簡單既要求(快/簡單)及減省咗作為消費者不必要或唔重視既需要(染髮/電髮/指定師傅/吹水/雜誌/洗頭/吹頭). 喺呢個前提下, 減低成本及收費, 簡化流程及選擇.

而且呢個客户Segment可能唔細, 有可能有得做架. 初步觀察, 好似受男人及學生歡迎多啲.

剪完出黎, 又見有兩位新客人喺度等. 五十蚊、十分鐘, 剪充出黎效果及感覺都唔錯喎.

一於遲啲再試多次, 睇吓點.

3 則留言:

Unknown 說...

究竟香港仔果檔在哪裡,我都想剪。之前在尖咀剪過,唔太ok架,不過夠平夠快搭夠啦。有market gei,不過就真係唔岩女仔 lor。

Gavin 說...

龍哥有冇俾佢地刮埋鬚?

細佬我由細到初中都係去上海店
但大個仔就冇去飛. 因為唔理我點講想佢點飛. 佢都係飛番佢想飛既同一個髮型俾我.

係呢~我轉左網址. :p

英倫肥龍 說...

大王, 果檔喺k埸對面個商場地下呀.

Gavin, 刮埋鬚?有咩? 好似唔幫架喎...
我細個真係喺馬路邊及公屋走廊剪, 好鬼平!