填鴨老銷

做老銷, 從來都係老銷一早問定個客預算係多少, 將來可能有幾多單, 然後返到公司砌報價單. 而且當有必要時,會準備好資料及可能答案, 先走去同老細商量及爭取支持(例如減價)協助.

不過依家好似變咗, 唔係咁樣喎. 除咗準備不足外, 依家情況就似變成好似老細想做成單生意多過個老銷咁添. 結果變成老細猛問老銷問題, 老銷可能先可能會答番一兩句. 問一句就答一句, 惜字如金.

咁講, 就算老細想幫老銷減價攞單, 至起碼老細都要有啲實用資料先可能做到決定.

結果過程中, 反而係老細要問番老銷唔同方案及價錢既可能性 (例如個客點解唔簽/ 貴咗幾多/ 送咩唔送咩/ 個客第時會有幾多類似既項目/ 數期呀等), 又或者要了解定係因為第啲原因個客唔簽, 最後先可以砌好份報價單.

咁唔通, 老銷唔多志在啲生意同佣金?

但相反, 咁其實老銷喺度做緊咩呢?