最近, 肥龍工作上負能量多得不得了.
職位上夾喺老細同同事中間, 有時真係做到思覺失調,兩面不是人.
老細唔駛多講, 簡單講, 又要馬兒好又要馬兒不吃草. (不過有無唔係咁既呢?)
內部會議一個緊接一個, 討論既來去都係呢個.
相比對老細, 肥龍對同事既時間更多. 奈何時間愈多, 代表見到同事既問題既機會更多.
有時, 肥龍都真係唔知或唔明白咁究竟係代溝吖定自己心態變咗吖. 愈來愈多眼前事唔明白, 亦愈來愈睇唔過眼.
有同事謂上司下屬關係就如拍拖, 時好時壞. 咁如果呢句話成立, 講真咩都可以講得通, 亦唔駛咁煩.
斤斤計較, 愛投訴, 事不關己, 講回報. 只會一面指人地點點, 但就同時合理自己既問題, 待人嚴又律己寛.
更有比小朋友更幼稚既行為. 遇到問題唔係自己問題, 一定係件事本身早就有問題.
處理唔好, 就係其他人唔合作. 資源所限, 就係阻礙發展. 無就投訴無, 有則投訴少.
真係咁差咩?
究竟唔見咗啲咩呢? 又, 唔見咗既去咗邊呢?
沒有留言:
發佈留言