肥龍鍾情豬啲拗爐 (GTR), 源於大約十年前住西貢時開始.
記得當年有一晚, 肥龍好似平常咁放工返屋企, 咁就喺所住既村口落車時, 喺同一刻, 肥龍耳邊傳黎隆隆既死氣喉聲響喺旁邊駛過, 正當八卦既肥龍抬頭想睇吓究竟係咩車咁勁時, 肥龍既眼前只係見到四盞圓車尾灯喺面前好快劃過, 然後見住呢架車直奔去菠蘿輋方向, 直至消失. 果四盞圓車尾灯好似彩帶咁喺路面舞動一樣, 令肥龍印象深刻. 咁喺果刻, 肥龍其實都仲未知呢架車係邊度出品同叫咩名, 只係由果時起心裡面幫佢改咗名叫做 “四盞圓灯”.
後來, 到模型鋪睇模型時, 無意中再見到“四盞圓灯”既模型, 先知原來呢架咁快既車就係日產(Nissan)既王牌車系Skyline GT-R. 但係, 果陣時都仲未知同識分邊架係R32, R33 同R34.
之後既肥龍, 就好似粉絲迷偶像咁, 不斷咁買同收埋咗唔少GTR既模型, 上鏈車, Q版車, 專輯特刊, DVD添. 公司枱頭其實都放咗兩部(1/64 Scale)既鐵製模型. 咁肥龍又係唔係只係鍾意GTR而對其他車望唔上眼呢? 咁又唔係喎. 其實靚車如靚人一樣, 一定會望多兩眼. 而且肥龍都有儲模型車既習慣, 只係講到最鍾意同到達粉絲程度喎, 就只有GTR R32一部. 講開儲車, 肥龍甚至曾經諗過, 有朝一日, 如果有鬆動錢, 肥龍真係想買架真既GTR返黎玩. 咁有得對住兼坐上去, 又可以得閒同架車打吓臘, 或者揸去兜吓風, 聽咗副引擎隆隆聲都唔錯噃. 不過真係講就易囉. 試問有幾多人可以好似大哥, 郭天王咁真係買真車黎儲吖(仲唔止一部), 發夢真係都未有咁早呀!
尾灯劃過夜空(From 頭文字D Fourth stage Opening)
Nissan Skyline 廣告 (日本)
8 則留言:
我中意elise！
They are all beautiful cars. I think the R32 is just a bit too big. Is it my impression or what? I think they are getting smaller and smaller.
elise正架, 外型好流線.不過因為要儘量輕及減省咗好多不必要既設備, 就無咩配套啦. 但如果細心諗, 咁車唔係就應該俾到呢啲嘅咩?
不過肥龍肥, 驚坐上elise後, 浪費咗偷輕既功夫, 攪到開唔郁就唔好啦! ^^
old cake,
係呀, R32車架既大且橫. 雖然未揸過, 但可以想像到. 但係就係鍾意呢個外型.
另外, 正如你所講雖然愈出愈細, 但新款既, 對尾翼同四盞圓灯就無咗嚕. :(
易亦,
但如果細心諗, 咁車唔係就應該俾到呢啲嘅咩?>>> 我意思係, 車既設備配套, 未必係最重要. 最緊要係架車俾到駕駛者既感覺.
嗯...不過如果太唔舒服都唔得架
新款有tour package會比就款舒服d
今日試CBR150發覺完全唔得
渣左兩個鐘patpat痛死
所以如果suspension太硬都應該接受唔到
易亦,
你係話電單車? 好型喎...^_*
型個頭！
發佈留言