突如其來既八號風球, 做就半天閒情及步伐放慢.下晝兩點幾, 收到人事部宣佈, 八號風球放工. 做埋幾個電郵, 攞起背包就走.
明知地鐵多人, 唔想迫, 唔想被風吹, 唔想被雨淋. 轉去附近巴士總站坐巴士.
原來四十五分鐘既車程, 因為種種原因, 變成一個半小時既路程. 反正唔趕時間, 無所謂. 出奇地喺呢一個半小時既路程中, 睇完份信報, 玩咗陣Mario Kart,仲瞌咗半個小時.
意想唔到既自在. 只差在欠一杯香濃熱咖啡.
踏入家門, 啱啱五點正. 有啲肚餓, 喺雪櫃攞咗份之前買落既日式黑豚燒賣. 隔水蒸約四分鐘就有得食. (黑)豬肉味香, 味道可以話隨時好食過某某茶樓水準. 嗯, 一於下次再買黎食.^^
13 則留言:
"踏入家門, 啱啱五點正"
小9五點正先開完會, 老板先放人...
小9就仆落樓下...搵車返歸...
係唔係真係咁好味架?
on-dog兄,
小9五點正先開完會, 老板先放人 >> 咁你喺會裡面知唔知出面發生咩事?
肥龍比較好彩, 老板放緊大假, 自把自為...^^
燒豬,
係架. 而且可能肚餓, 覺得特別好味!
知唔知出面發生咩?
知! 知又點? 一樣既姐....
:(
on-dog,
咁又真係:( 咁囉!
終於有幸見到燒賣個樣...
亞芬,
咁你識做啦! ^^
真係試吓, ok架 (我又黎老sell...)!
我梗係識做la, 不過見唔到咋ma...
"你要識做呢?!"... (好無聊ar我 :p)
p.s. 我改咗個blog名, 你鍾意就update個連結la...
亞芬,
Updated咗啦.
點解無豆? 莫非轉咗師傅?
冇呀, 只係主觀地想改下個名...
有豆呀... 紅豆ma... :p
向日本果陣我都成日食燒賣
不過未食過黑豬味囉
七十,
其實我都係第一次買同食黑豬味囉. 不過唔知真係定我心理作用, 覺得好似比食開既燒賣香啲喎.
發佈留言