迪迪尼啦, 360纜車啦, 黃大仙啦,...仲有好多好多地方, 唔好話去過, 甚至有啲連咩名既都未必知.
咁搵啲藉口啦: 做野忙無時間, 放工已經好晏, 天氣好熱, 個度好鬼遠喎... 個度無車好難去架!... 好多人去又迫唔好預我呀!... 有排排隊個喎...
今日睇電視, 正如主持所講, 香港人就係少咗份閒情逸緻, 太計算又太匆忙, 唔會咁有心搵個時間同地方hea.
另外, 莫講係香港, 就算係肥龍由細住到大既南區, 都有唔少地方未曾去過. 除咗屋企附近地方外, 平日好多地方只會係坐車時路過, 或者放工已經入黑, 根本就未去過或咩都睇唔到.
近日肥龍咁啱因為要幫喺外國既家人買咗支鏡頭, 咁喺送去之前, 貪得意, 就走咗去問老友借埋部相機. 然後一身輕裝, 化做成本區遊客, 嘗試用雙腿行走, 帶住相機試鏡為名, 到咗幾處南區地方拍攝. (本來今朝晨早想去薄扶林影相, 但因為落雨作罷.)
熱就係熱啲, 不過風景的確係唔錯. 而且望住個景, 有時有陣海風飄來, 其實都幾寫意同舒服.
攪笑既係當肥龍走到香港仔避風塘時, 船家見肥龍一身拍友裝扮, 當肥龍係遊客, 竟然問肥龍有無興趣租船出海影相, 又不斷向肥龍推銷避風塘美麗景色. 最後肥龍當然無租啦, 不過就諗或者下次咧. 不過肥龍屋企距離當時所處地方只不過係步行五分鐘路程.
試鏡成績如下 (我不嬲用開傻瓜機, 咁所以其實好水皮架咋, 失覺哂!):
15 則留言:
嘩...真係幾得喎...右下角個幅有彩虹架...
你講得冇錯,香港人,除左返工放工,行街睇戲,真係比較少去我地既景點...或者大家覺得d景點好"細頠",唔值得花時間去...
又,我自己都係,唔係做左依家份工...怕且寶蓮寺係點都唔記得,莫講話360...
彩虹...係喎！S-pig你真係眼利！
肥龍兄，小弟睇影左咁多相，硬係覺得差d野... 諗左幾日，終於知道差d咩... 女友！點解唔提下既？
肥龍兄，你呢招soft sell Cannon 400D 都做得幾好，哈哈！
Nice photos! The colors are so vivid.
s-pig,
你真好眼!你唔講我都留意唔到! ^^
"細頠"可能係眼覺上, 不過心境更重要, 有時閒情逸緻, 無需要太計較.
唔講唔知, 肥龍住咗南區咁耐, 今次係第一次喺鴨脷洲橋上影相. 不過, 心中有一張相真係好想拍, 但至今仲未拍既, 就係農曆新年時, 晚間漁船齊集停泊喺避風塘過年, 萬家燈火既畫面, 真係好吸引及好靚架!
c.m.兄,
你係話啲相定係話肥龍先?
咁你又想睇啲咩呢? 不過一直都話肥龍貪玩好玩, 你講既, 肥龍唔識講又唔知講咩好呀, 怕c.m.兄你失望喎! ^^
aldous,
其實睇落肥龍更似軟銷緊南區景色.^^
old cake,
好多謝你呀! ^^
肥龍其實係位初...初...初哥.不過正如文中所講, 肥龍不嬲用開傻瓜機, 今次第一次咁認真托住部相機咁影(無錯係用"托"黎形容, 發現原來支鏡咁重架!), 之前唔知可以拍成點架.
又, 其實全無咩技巧可言, 純粹靠架機同支鏡既spec.去拍, 所以你可以話幾水皮外,部機其實幾user-friendly呀! 有相為証!
Wow...肥龍兄係初哥? You have good potential to become a good one I would say. Keep it up!
Old Cake,
thanks for your encouragement! I will do my best! ^^
買番支鏡先講啦
係400d? 小9都用緊, 唔知係支咩鏡呢?
左上同左下...都好有feel!
on-dog兄,
係400d 加 EF 70-200mm f/4L USM. 你話果兩張其實肥龍都好鍾意. 不過正如所講, 撞手神咋, 無咩技巧可言, 只係靠個spec.去拍.
我兩樣都係問人借. 不過咁樣一拍, 又有啲心思思添...
嘩!呢支! 小9都想整留支玩"一鏡走天涯"!
How much!
on-dog,
HK$5,200 (標價$5,380). 先達隔離果間相機鋪. 不過呢支就無IS (雖然肥龍覺得唔需要).
仲有, 好似叫"小小白" :P
發佈留言