又差不多時候去捐血．
不過都唔知幾時開始及咩原因，發現愈來愈怕針．
係諗起都驚．
＊＊＊＊＊＊＊
本來已經諗好咗去捐血．
路途上卻又突然想縮沙（！？）．跟住心裡又同自己講：「咪去緊囉，唔駛餚底喎！又唔係第一次捐血．．．」
到達捐血站樓下，未按電梯，點知一望水牌，無形既又恐懼開始發作．．．
喺準備既過程中，護士講得最多既一句就係：「可以放鬆，唔駛揸實拳頭住．．．慢慢．．．」
而期間其實都冇特別去聽護士講咩同問咩，一味只係識答有同冇咁囉．
（心諗快啲插針啦．．．）（下，已經插咗！？）（４５０毫升即係佔人體血液量幾多呀？）（咦，其實仲要坐幾耐呀？）
＊＊＊＊＊＊＊
捐血過程順利，大約四十分鐘左右就攪掂．
唔知係真定心理作用，今晚身體好似好攰加少少口乾，就算冇踎過低，又似有少少頭暈咁喎．
除咗可以飲紅棗水食紫米露（其實兩樣都冇），咁不如早抖早著啦．
沒有留言:
發佈留言