28.5.08

胡思亂想

媽:

妳知唔知道呢,尋日朝妳同我講果段說話內容,聽完後我幾咁忐忑.

一直諱疾忌醫及堅韌既妳,輕描淡寫地咁將最近既身體狀況話哂我知.

很少很少,妳會那麼主動,又那麼詳盡. 對上一次,應該係妳從巴士樓梯踏錯腳後跌破門牙那次吧?

後來又聽妳講由姨媽聽來既故事. 講真,聽完心情再差一截.

其實,妳心中所想所慮既,我又豈會唔知道呢?不過大家始終冇講出口吧.

咁我都知道妳會既.依一刻,就只有去覆診及向醫生了解及診斷, 再循呢個方向做.

結果都唔重要,重要係無論咩結果,一家人依然喺妳左右,會一直照顧妳啦.

放心,我心情還可以既,平時我大都係樂觀既,不過有時都會胡思亂想吧.而且妳都有講,情況未必如想像般咁差既.咪繼續留意及治療啦.

不過我聽到妳話隻手痛,我又唔開心咁啫.