08至09年度

除咗報稅，其實係想講今年度跑步既目標．

上年度，除咗跑咗渣打半馬，仲跑咗另外三個比賽．

今次，希望再挑戰多少少，加碼，當然會繼續參加渣打半馬，走唔甩又已經成為一年一度事件．咁其實一直仲有保持練習，自然又想試下唔同比賽，跑唔同既路線，感受唔同既氣氛．所以就想喺之外，跑多一個半馬，甚至心思思想試跑一次全馬（不過如果真既，就要再再再俾心機同恆心去練習及注意體型囉～～　諗到呢層，好自然就想．．．唉，食野真係好難控制架！）

而且個全馬呀．．．仲要睇下報名成唔成功呀．．真係好想試下異國比賽既心情．

咁，本年度目標如下：

1. Nike 10km賽 (2008.11.16)
2. 聯合國兒童基金賽 10km賽 或；澳門馬拉松 半馬／10km賽
3. 美津濃長跑 半馬
4. 渣打馬拉松 半馬
5. 東京馬拉松 全馬 (2009.3.22)

嘩! 真係要深呼吸一下，希望我得啦！

其實夏季一到，反而對練習添咗難度．因為天氣實在係好熱呀．上星期六已經跟同行既講不如遲啲以南灣做終點，然後索性跑完喺南灣游埋水啦～大家都係想練氣同做帶氧運動啫．真係好難堅持烈日下三十幾度去跑呀跑．換來既可能就係只有將跑步時間愈推愈前，避一避個日頭，唔通真係要朝早六點晨操！？