叉燒煎蛋飯

日日做到冇停手，總有食飯既時候．

每日時針搭正十二點，又係開飯既時刻．肥龍工作地方雖說食店林立，不過大都流於ＡＢＣＤ餐或兩餸套飯之流，千篇一律，欠缺鑊氣．而且餐牌多數係由星期一至五都係果幾樣，好食既，食得一頭半個月又已經好似冇咩選擇．

最近，無意發現原來公司附近有個大食堂（真係好大．．．），食物款式包羅萬有，可以話梗有一款啱口味．當然呢度同其他食店都一樣會有快餐常餐ＡＢＣＤ餐，不過就仲可以叫炒粉麵飯，而且即叫即炒，火候十足．

星州炒米，豉油王炒麵，乾炒牛河，揚州炒飯．．．諗起都想食（結果每次去到都三心兩意，因為樣樣都想試）．不過，最愛食點既食物，始終都係叉燒煎蛋飯．半熟既蛋，加上豉油，混埋一齊，沾上熱騰騰既白飯．．．夾埋半肥瘦叉燒，再放落口．嗯，真好味！

相同既感覺，彷彿回到讀書時代，準備食午飯先返學一樣．

呢碟叉燒煎蛋飯，除咗好味，當然唔黯然，更勾起少時既回憶．