雖然自知生物科既知識只係停留喺會考程度，不過對細胞既形狀及樣子，倒是知道及認識的．
又係無聊既原故，有時腦內又會游著一啲不切實際既低能想法．
耐唔耐，就會諗／幻想如果每個自己既細胞，都會有容貌的話，到底（可以）會係咩樣子呢？上一次有呢個念頭，就係上次捐血躺臥喺座位上時所發生．
或者睇得太多卡通片及漫畫，想法中難免有時帶點浮誇及有漫畫法既表達．究竟佢地（細胞）會唔會好似我咁既樣呢？咁，當諗起成千上萬上億，有我既樣子既血細胞正去同一方向一齊流動時，其實畫面都幾壯觀．
另外，細胞分裂時，咪又可以變瘦囉！？不過可能及後又會被打回原形喎．．．想著一變二，二變四．．．呵呵，果真無窮無盡，生生不息．．．
又見食壽司時，望住面前既兩件魚子壽司，忽然會諗，佢地會唔會好似佢咁肥咁亮澤呢？其實飛魚子都唔錯，只係細粒咗啲～
(實在抱歉，如果因為咁影響咗大家日後對魚子壽司及飛魚子既食慾，懇請見諒！）
沒有留言:
發佈留言