講辭工(二)

繼續講辭工. 上次講開肥龍轉工辭工既理由,今次不如講吓肥龍收"炒老細魷魚通知書"既情況.

通常接到同事既"炒老細魷魚通知書"時,肥龍都會故作鎮定,然後循例會問點解想走,係咪肥龍有乜禮待不週,或者安排(失)不當之類既問題,好等肥龍有啲 Ideas去諗點樣挽留(當然假設呢位同事係做得野同幫到手啦). 若然挽留失敗,肥龍亦會扮大方去問果位同事有咩好路數,Keep in touch 之類咁. 實際上,肥龍到依家都仲有同其中幾位保持聯絡, 算係好黎好去. 始終所屬既行頭都幾窄,山水有相逢,第日有機會見面時肥龍都冇咁鑑.

而佢地(話)炒老細魷魚既理由總括為以下原因:

一、覺得留喺公司發展有限,並謂公司資源上支持唔到自身發展;
二、冇乜野學,一天復一天,唔知自己做緊乜;
三、嫌人工少;
四、人事問題(應該指同肥龍關係^^);
五、同同事合作有問題;
六、想試新野;
七、達唔到自己定下既要求;
八、已經盡過力,覺得份工或公司唔適合自己;
九、想轉部門

羅列上述理由,想問各位你會點睇?又肥龍其實有口話人冇口話自己呢?