當你有七十萬閒錢時,你願意花在一個車牌上嗎?
肥龍每次聽到有關自訂車牌拍賣既消息或新聞時,總覺匪夷所思.唔係肥龍"憎人富貴厭人窮",但有啲說話不吐不快.
當然呢啲係有(閒)錢既人既事或玩意,唔係肥龍等小輩既智商同財富可以理解及明白.但自訂車牌呢樣野對肥龍黎講,已達到"貼金"既程度. 甚於當街同人講自己有乜有乜.
有人揸法拉利,波子,可能係因為車主欣賞車既性能同外型.
有人揸Benz, BMW, 因為代表某一個社會階層或需求.
但一個七十萬既"FERRA1"車牌,可唔可以有人話俾肥龍知代表乜野?
喺今日,當大家諗到政府擬擴闊稅基向所有市民推銷GST,又有人為勞工階層爭取最低工資既同時,究竟車牌拍賣係反映一個點樣既社會現象呢?
另外,政府可唔可能安排將拍賣後所有收益指定放喺來年度施政報告既個別範疇/項目上(例如教育,老人,醫療等)呢?又或者好似以前咁由公益金舉辦呢?
最後,你估"DRAGON"呢個車牌值幾多錢? ^^
沒有留言:
發佈留言