體重雖然有因練跑而消減, 不過唔知係體型問題定係有其他原因, 睇落個sharp始終麻麻地. 有時沖涼除衫見到佢, 雖則想話見佢已經比以前清減咗, 不過發現原來佢仲喺度時, 相對無言. 嗯, 唔係走咗既咩?
相比懷胎十月既母親, 肥龍係抱腩十年既肥仔. 對眼前呢塊肉 (感覺唔到骨), 只有痛之愈深, 並無半點殘留之想. 有人話切肉不離皮, 咁又真係切咗肉先, 其他可以及後慢慢講.
無‧哂‧計!
咁不如, 預留呢下一段喺度, 提醒一下自己. (不過好似係俾女讀者睇固喎...)又, 網海之大有無高人可以指點肥龍用其他運動方法去同呢個老朋友講拜拜呢?
13 則留言:
龍哥,
老餅都同樣係懷胎十年嘞！ 嘿嘿
呢幾年減咗Ｄ磅個腩先至冇咁大咋.
唔知幾時先可以陀六胞胎呢？
Well, 我無知，想問下...咁係咪跑車後既相中人其實... 縮左肚？
肥唔緊要, 最緊要仲有健康, 同埋比人一種健康順眼o既感覺...
將蛋白質同埋碳水化合物分開黎食, 呢個係最新o既方法, 而且係最有效.
方法: 將碳水化合物同埋蛋白質分開4個鐘至食. 一係就一日全蛋白質, 一日全食碳水化合物
最重要o既係, 日日都至少至少去一次大排毒.. 唔係o既話, 幾fit 都係假. tips 係食多d 纖維
最後, 要同時間, 耐性做朋友... 唔好信咩咩藥, 節食. 如果得o既話, 發達國家就唔會仲有咁多肥人, 而且果邊係最早建立瘦既時美觀念o既國家.... so.. 米信ar~~~
點解會比咁獨特o既方法, 因為人被創造係生活係原始時代, 個設計係預o左人係春秋食植物. 連d 琴獸都食到飽飽, 冬天, 植物死得七七八八, 閒來有d動物出沒, 於是乎, 人就出去打獵, 全食肉....... so~.. 你 get 唔get 到. ???
~~~~
希望可以幫到你啦, 如果你成功O左, 記住請我食飯.
old cake,
六神合體!
c.m.兄長,
相中人可能角度問題, 縮唔縮肚差不多. ^^
匿名,
你講得啱, 肥龍一向反對食咩咩藥, 節食等, 最多唔食咁飽咋.
仲有, 你話將碳水化合物同埋蛋白質分開4個鐘至食. 一係就一日全蛋白質, 一日全食碳水化合物, sorry我真係唔明, 可唔可以講多少少, 究竟點做架呢?
請你食飯唔難, 不過要無咗肚腩唔易啫. *_*"
我覺得相中人真係唔洗減噃...
s-pig,
最慘果個唔係肥龍呢! 不過又唔係差好遠呀~~(肥龍自己話咋, 無人證明架 ^^!)
. 碳水化合物姐係d 蔬果.. 豆腐, 豆漿除外.....
蛋白質姐係, 肉lor.
要處理你果個因為日日無得去大工程而造搞到身懷六甲..... 你每日都要飲3公升o既水,要慢慢飲, 間中飲, 唔好一飲就狂飲.... 以便身體排出毒素, 最好就係過濾o左o既水啦....... 食多d高纖食物.. u r want u eat ar.. 做下d運動啦...
記住, 係為健康, 而減肚南....... 唔係為靚.~~~ u r want u think ar. 觀念要健康~~~...
咁就為之 very good 啦.
幾個月之後, 修正成果. 就話比我知啦.
做運動方法:
食lunch 之前, 最好出去食啦, 行去離公司遠少少o既食肆, 咁米可以行多幾步路lor
屋k, 得閒幫你老豆老母做家務啦, 做少少都好ar.
少d drive 車, 多d搭公共交通工具(假日啦, 唔忙o既時候啦), .. 行多幾步路, 又save 錢錢黎請我食飯. 幾好.
增肥基本規則: 飽就米食啦.
減肥基本原則: 餓就食野啦.
最好就食.. 蔬果啦. 仲要係自己比較鐘意的...
......
攞相中人黎做benchmark,我覺得已經差唔多啦,keep住得架嘞,唔洗再減...
真衰！最衰我果日跑到三魂唔見七魄，唔係我一定要見見你個腩！
發佈留言