經過尋日一段由香港仔經域多利道、沙宣道到瑪麗醫院既探索後，一條約兩個小時既練習路線(半馬距離)大致成形．
－ 香港仔至淺水灣來回，約55至60分鐘；
－ 香港仔至瑪麗醫院來回，約50分鐘
距離正式比賽約仲有六個星期，依家主要針對既，係距離及耐力上既鍛鍊．速度上反而可以保持．由香港仔上斜至華富邨一段跟西隧一段無論斜度、時間上都幾類似，可以多加利用．因為始終覺得半馬路線最困難及辛苦既一段，就正係由西隧底上斜至干諾道天橋既一段(其實肥龍從未可以一口氣谷哂成段斜路架~)，希望喺一月內，可以安排一至兩次跑畢全程既練習，克服困難．
咁兩個小時既目標，就可能達到．
7 則留言:
龍哥,
俾心機啊！
加油呀！繼續幫你打氣！
Old cake, 燒豬,
係! 知道!
多謝哂!
嘩！睇怕你要改名叫瘦龍囉！
嘩!55分鐘來回香港仔至淺水灣？！
跑步就真係唔係my cup of tea，鐘意行山多d。小女子上星期行百萬行(終點行過你舊居!)，打算玩今年個環島行半程。
行山好架，不過跑步就比較方便同時間短．
環島行？你第一次行呀？
環島行半程全程我都行過，感覺都唔錯，特別係陽明山莊至大潭水塘一段，及最後落石澳一段．只係中間一段沿引水道行比較悶同欠風景啦．
55分鐘來回香港仔至淺水灣其實唔係真係咁難，起碼同行其他三人都可以做到．不過由今個星期開始，練習距離逐漸增加，加強耐力．
易亦,
還需努力～～
發佈留言