每個世代, 每款電動遊戲主機都會配備唔同代表既必玩遊戲.
紅白機時, 有孖寶兄弟 (Super Mario Bros)...
Gameboy時, 有俄羅斯方塊(Tetris)...
Playstation時, 有Winning Eleven, GT等...
Playstation 2時, 繼續有Winning Eleven, GT, DDR/Stepmania同跳舞毯...
NDS時, 有孖寶賽車 (Mario Kart), Cooking Mama...
到Wii時, 相信就係呢個 -- 「WiiFit」
其實都唔係咩新技術, 雖然睇落好似好簡單, 不過又好似好好玩喎. 一面玩一面做運動, 又可以同家人朋友一齊切磋比試.
到時, 又唔知會唔會好似當年跳舞毯咁, 人人週圍撲, 做到一機一塊甚至一機兩塊既景況呢?
8 則留言:
It looks fun! I will get one for sure. Do you know when they will become available? Can't wait!! :)
真係好似幾好咁喎！
old cake,
軟件(遊戲)及硬件(塊板)都未知呀! 不過就一定買啦! ^^
燒豬,
係呀! 特別係當幾個人一齊玩添呀! ^^
1同2都有玩過,3,4,5都冇
wii fit呢...對我唔appealing,因為我覺得運動係應該戶外做,一班人打波會開心d,唔知點解,我唔鍾意做gym架...
不過,wii真係好好玩呀...我玩cooking mama好渣,打tennis好d,hahahaha
s-pig,
咁你係無玩playstation1/2 同 NDS定係你有玩其他遊戲?
其實我都唔鍾意做占架, 我寧願到戶外跑步, 行山同打波啦(不過如果落雨無計~~!)^^
不過呢件WiiFit最吸引係可以一大班人利用佢去玩果啲party games．
而且，呢類遊戲就好似依家NDS已經有既「腦鍛鍊」，「眼鍛鍊」既體驗遊戲既延續．所以好想試玩吓！
全部都冇玩呀...
不過,我記得PS I出現之前,有一個孖寶兄弟好好玩架...可以食塊樹葉就會嘵飛,又或者變做狐狸;有時又有隻啤牌郁郁下,走入去就開啤牌配對中獎...你知唔知我講緊咩呀?
s-pig,
唔...如果無記錯,你講既應該係「Super Mario Bros 3 」.
基本上, 因為每次都會加入好多有趣新元素, 每集既孖寶兄弟都係必玩之作.
發佈留言