頭頂一片天空

幾年前，肥龍睇過一本雜誌，介紹一位專門拍攝天空既攝影師．介紹中畫面盡是藍天白雲，藍係清澈既藍，而雲既形狀無窮變化．雖然只係隨便睇其中幾幅作品，感覺很舒服，心情就平靜過來．

＊＊＊＊＊＊＊

友人曾經因為婚姻生活，弄得不愉快．

友人既丈夫，大男人得不得了．友人想做自己既事，不過因為怕丈夫唔鍾意，最後都係冇做．

記得當年肥龍都無理友人明唔明白，就話每個人頭頂都有一片天空，陰晴陽缺，對得住自己，甜酸苦辣，自己知道感受就可以．

而其他人，就唔好理會及干預他人既(私人)天空．

＊＊＊＊＊＊＊

曾經有一段時間，每當自己覺得唔開心，生活工作過得不順利不如意時，就會走到附近空曠既地方，搵過安靜無人既位置坐下．

抬頭望著頭頂一片既天空，好快就會進入寧靜既空間內，好快心情就會平復過來．